Qūrmettı, Almaty oblysynyŋ su jaŋa äkımı Qanat Aldabergenūly!
Ūiǧyr audanynyŋ atyn özgertu jaily keşe jazǧan jazbamyzdy oqyǧanyŋyzdy bıldık. Ūiǧyr aqyny Bahtiianyŋ abyroiyn asyryp, Alty Alaştyŋ aqiyq aqyny Mūqaǧalidy "kışıreitetın" piǧyldyŋ astarynda ne bar ekenın (qabyldanbaǧan eskiz bolsa da) oqyrman da, sız de jaqsy tüsındı dep oilaimyn!
Endı myna mäselege nazar audarsaŋyz! Memlekettıŋ tuy ılınuı kerek tutūǧyr 2019 jyldan berı bos tūr.
Biıktıgı 30 metr bolatyn būl tutūǧyrdy jasau üşın memleket qaltasynan 6,5 mln teŋge bölıngen. Onyŋ aşylu saltanaty 2019 jyldyŋ 4- mausymynda ötetın bolyp josparlanǧan. Sonyŋ bırı de bolmady.
Ūiǧyr audany basşylarynyŋ 2,5 jyldan berı tutūǧyrdy tusyz bos qoiyp qoiuy memlekettık rämızge degen protestık köŋıl-küidı bıldırmei me? Joq älde olar būl tūǧyrǧa Şyǧys Türkıstannyŋ jalauyn jelbıretetın kündı kütıp otyr ma?
Qazaq besıktıŋ betın aşyq qaldyrmaityn yrymşyl ūlt. Tutūǧyrdy tu ılu üşın tūrǧyzyp, ony osynşama uaqyt bos qoiyp qoiu jamandyq tıleudıŋ körınısı emes pe? Yrymşyl qazaq būǧan ne deidı? Sızdı de bıletınder yrymşyl adam ekenıŋızdı aituda. Tutūǧyrdyŋ bos tūruy Sızdıŋ de jüregıŋızdı tıtırkendırmei me?
Mıne, osyndai ünsız qarsylyqty boldyrmaudyŋ töte joly - audannyŋ tarihi Qaradala atauyn qaitaru. Būl mäselenı QR Prezidentı Qasym-Jomart Kemelūly Toqaevqa jetkızersız dep oilaimyn (Berık Uäli).
Py/sy
Soŋǧy bır ai kölemınde tutūǧyrdyŋ ainalasynda abattandyru jūmystary jüre bastady. Ol üşın memleket qaltasynan 11 mln teŋge berılıptı. Sosyn, tutūǧyrdyŋ astyna 27 mln teŋgege Qazaqstannyŋ kartasy qoiylmaq eken. Ärine, būl şarualardy jasauǧa, älı de jasai beruge otyz metr biıktıktegı memlekettık tu kedergı keltırmes edı.
Qūrmettı, Qanat Aldabergenūly!
Qazaqstannyŋ jalauyn biıkte jelbıretuge degen qūlyqsyzdyqtyŋ bolmauy üşın de Sızden batyl qadam kütemız!
Qanat Äbılqaiyrdyŋ Facebook-tegı jazbasynan
”Adyrna” ūlttyq portaly
