Shymkentte Tynybaev kóshesindegi jaldamaly páterlerdiń birinde 22 jastaǵy qyzdyń máıiti tabyldy, dep habarlaıdy jergilikti "Otyrar" saıty.
Jantúrshigerlik oqıǵanyń anyq-qanyǵyn quqyq qorǵaý organdary ázirge habarlamaǵan.
Polıııa kórshileri men kýágerlerden jaýap alady. Kınologtar men krımınalıster oqıǵa ornynda jumys isteıdi.
Qorqyp qalǵan úı turǵyndary ýchaskelik polıııa qyzmetkerlerine kúndelikti páterlerde «prıton» bar dep birneshe ret aıtqanyn aıtady. Biraq turǵyndardyń zaryn eshkim estimegen.
29 qarashadan 30 qarashaǵa qaraǵan túni qaıǵyly oqıǵa bolǵan páterde de taǵy da shýly otyrys bolǵan. Kórshilerdiń aıtýynsha, olar polıııaǵa qońyraý shalyp, barlyǵyn aıtqan. Kúlki men aıqaı daýystary maza bermegenine shaǵymdanǵan. Bir kúnge jalǵa beriletin páter turǵyndarynyń shýyn toqtatý úshin qabyrǵany birneshe ret soqqan eken. Shý basylmaǵan. Bir sátte jaldamaly páterdegi daýystar syp tyıyla qalǵan.
Jaldamaly páterde qyzdyń máıiti tabyldy, qylmyskerler izderin jasyrý úshin, máıitti órteýge tyrysqan.
Máıit tabylǵan úıdiń janynda beınebaqylaý kameralarymen jabdyqtalǵan birneshe mekeme bar. Ol kúdiktilerdiń jeke basyn anyqtaýǵa kómektesýi múmkin.
"Adyrna" ulttyq portaly
