Shymkentte esirtkilik masań kúıdegi júrgizýshi jol erejesin buzyp, polıııa ınspektoryn kóliginiń kapotynda súıregen oqıǵa tirkeldi, dep habarlaıdy “Adyrna” ulttyq portaly qalalyq PD-ǵa siltep.
Oqıǵa 2 qańtar kúni oryn alǵan. Patrýldik polıeıler Toyota Highlander kóligin baǵdarshamnyń qyzyl túsinen ótkeni úshin toqtatqan. Júrgizýshiniń minez-qulqynan kúmándanǵan tártip saqshylary onyń esirtki qoldanǵanyn anyqtap, qujattaryn kórsetýin talap etedi. Alaıda júrgizýshi bul talapty elemeı, oqıǵa ornynan ketýge tyrysty.
Polıııa ınspektory Baqytjan Boranbaı jol qozǵalysyndaǵy basqa qatysýshylardyń qaýipsizdigin qamtamasyz etý úshin kóliktiń aldyna shyǵyp, tosqaýyl bolǵan. Biraq júrgizýshi kóligin toqtatpaı, polıeıdi kapotynda birneshe metrge deıin súırep, oqıǵa ornynan qashyp ketken.
Polıııa qyzmetkerleri kúdiktini izin sýytpaı ustap, medıınalyq tekseris onyń esirtkilik masań kúıde bolǵanyn rastady.
Qazirgi ýaqytta kúdikti qamaýǵa alyndy, oǵan qatysty qylmystyq is qozǵalyp, tergeý amaldary júrgizilýde. Júrgizýshige “bılik ókiline qatysty ómirine nemese densaýlyǵyna qaýipti kúsh qoldaný” baby boıynsha aıyp taǵyldy. Eger kinási dáleldense, ol 12 jylǵa deıin bas bostandyǵynan aıyrylýy múmkin.
