Shymkentte kólik róline otyrýǵa tyıym salynǵan 1268 adam júrgizýshi kýáligin alǵan. Bul týraly qalalyq prokýratýra málimdedi, dep habarlaıdy “Adyrna” ulttyq portaly.
Olardyń kópshiligi psıhoaktıvti zattardy qoldaný jáne júıke júıesi aýrýlary boıynsha dıspanserlik esepte turady. 2022-2023 jyldary olar 1300-den astam jol qozǵalysy erejesin buzyp, 28 jol apatyn jasaǵan. Kólikterdi zaqymdap, materıaldyq shyǵyn keltirgen, - deıdi vedomstvo.
Sondaı-aq, olardyń júrgizýshi kýáligin alýy zań talaptaryna qaıshy keletindikten 37 adam búgingi kúni sot sheshimimen kólik quralyn basqarý quqyǵynan aıyryldy.
Qalǵandaryna qatysty tıisti sharalar qoldanylyp jatyr.
