Şymkenttık ekı aǧaiyndy şeteldıkterdı ūrlap, qūldyqqa jūmsady degen küdıkke ılındı, dep habarlaidy "Adyrna" ūlttyq portaly. Būl turaly QR IIM TJK baspasöz qyzmetı jazdy.
«Tärtıp saqşylary kırpış zauytynyŋ üş iesın, Şymkent qalasy men Türkıstan oblysynyŋ tūrǧyndaryn ūstady. Olardyŋ ekeuı aǧaiyndy. Tıntu kezınde jedel qyzmetkerler ekı zauyttyŋ aumaǧynan 60-tan astam şeteldıktı tapty, olardyŋ barlyǧy Özbekstan azamattary», - delıngen habarlamada.
14 qazanda Almaty polisiiasyna Aqtöbe oblysynyŋ tūrǧynynan habarlama kelıp tüsken. Äiel Özbekstan azamaty ärı özınıŋ aǧasy Şymkenttegı eŋbek qūldyǧynan qaşyp, Almatyǧa kelgenın aitty. Būǧan deiın poliseiler küdıktılerge qatysty şeteldıkterden üş mälımdeme alǧan.
Poliseiler zauytqa jūmysqa şeteldıkterdıŋ şaqyrylǧanyn anyqtady. Sodan qūjattaryn alyp, jalaqylaryn bermei, mezgıl-mezgıl fizikalyq küş körsetıp, taiaq jeisıŋ dep qorqytqan.
Küdıktıler qamauda otyr. Qazaqstan Respublikasy Qylmystyq kodeksınıŋ ekı baby: 126 «Eŋbektı qanau maqsatynda bas bostandyǧynan zaŋsyz aiyru» jäne 389 «Ozbyrlyq» boiynşa sotqa deiıngı tergeu jürgızılude.
25 şeteldık jūmysşy qazır «Sana sezım» ükımettık emes ūiymynyŋ qarauynda bolsa, 30-dan astam azamat jeke basyn kuälandyratyn qūjattarynyŋ joqtyǧynan qabyldau bölımıne ornalastyrylǧan.
Ūqsas jaŋalyqtar
