26 jeltoqsanda Almaty qalasy TJD-nyŋ 112 pultıne äiel adamnan habarlama kelıp tüstı. Onyŋ aituynşa, aǧasy ekı dosymen bırge 24 jeltoqsan künı taŋerteŋ tauǧa şyǧyp, qaityp oralmaǧan. Joǧalǧan azamattardyŋ ūialy telefondary 12 saǧattan astam uaqyt boiy öşırulı bolǧan, dep habarlaidy "Adyrna".
Habarlama tüsken boida yqtimal ızdeu aumaǧyna TJM küşterı men qūraldary jedel türde jūmyldyryldy.
Oqiǧa ornynda jedel ştab qūryldy. Izdestıru-qūtqaru jūmystaryn jürgızu üşın TJM «Qazaviaqūtqaru» tıkūşaǧy köterılıp, äueden «Tūiyqsu» mūzdyǧy, «Myŋjylqy» saiy jäne «Lokomotiv» şyŋy maŋyndaǧy aumaqtar tekserılude.
«Ūşqyşsyz ūşu apparatynyŋ kömegımen jürgızılgen ızdestıru jūmystary barysynda «Lokomotiv» şyŋy maŋynan bır adamnyŋ mäiıtı tabyldy. TJM äue kemesı arqyly teŋız deŋgeiınen 3700 metr biıktıkten tüsırılıp, mäiıt polisiia qyzmetkerlerıne tapsyryldy. Sot-medisinalyq saraptama taǧaiyndaldy. Jeke tūlǧany tüpkılıktı anyqtau barlyq qajettı saraptamalar aiaqtalǧannan keiın jürgızıledı. Marqūmnyŋ tuystaryna TJD, ROSO psihologtary men TJM medisina qyzmetkerlerı tarapynan qajettı psihologiialyq kömek körsetılıp jatyr», - dep habarlady tötenşe jaǧdai departamentı.
Qalǧan ekı adamnyŋ ornalasqan jerın anyqtau boiynşa ızdestıru jūmystary jalǧasyp jatyr.
Izdestıru jūmystaryna 50-den astam adam, onyŋ ışınde qūtqaruşylar men erıktıler, 7 bırlık tehnika, 4 ūşqyşsyz ūşu apparaty jäne Almaty qalasy TJD, ROSO, Qūtqaru qyzmetı men Apattar medisinasy ortalyǧynyŋ 3 kinologiialyq eseptoby tartylǧan.
