Sarapshylar Qazaqstan Respýblıkasynyń qaı óńiri eń kóp jalaqy alatynyn aıtty, dep habarlaıdy "Adyrna" ulttyq portaly.
Zertteýshiler atap ótkendeı, 2021 jyldyń úshinshi toqsanynda el boıynsha ataýly ortasha aılyq jalaqy ortasha eseppen 243,7 myń teńgege jetti, bul ótken jylmen salystyrǵanda 19,3%-ǵa kóp.
- Óńirlik turǵyda eń joǵary jalaqy dástúrli túrde Atyraý oblysynda baıqaldy: 419,1 myń teńge – bir jyl burynǵydan 19,5%-ǵa artyq. Naqty mánde ósim 9,5 paıyzdy qurady. Óńirdegi jalaqy ortasha respýblıkalyq deńgeıden 72 paıyzǵa joǵary boldy.
Sondaı-aq, kóshbasshy óńirlerdiń úshtigine Mańǵystaý oblysy (346,5 myń teńge, naqty mánde 6,2%) jáne elorda(338,4 myń teńge, plıýs 7,8%) kirdi.
Eń tómengi jalaqy Túrkistan oblysynda belgilendi: 181,1 myń teńge – bir jyl burynǵydan naqty mánde 11,5%-ǵa artyq.
17 óńirdiń tek tórteýinde ǵana qyzmetkerlerdiń jalaqysy el boıynsha ortasha jalaqydan asyp tústi: jetekshi úsh óńirden basqa, osy tórttikke Almaty da kirdi: 283,7 myń teńge.
Sarapshylar salalar bólinisinde qarjy jáne saqtandyrý salasynyń qyzmetkerleri jalaqany bárinen de kóp alǵanyn naqtylaıdy: 452,8 myń teńge — bir jyl burynǵyǵa qaraǵanda 18,8% - ǵa artyq.
Eń joǵary aqy tólenetin salalardyń úshtigine sondaı-aq kásibı, ǵylymı jáne tehnıkalyq qyzmet (369,5 myń teńge, oǵan qosa jylyna 17,4%) jáne aqparat jáne baılanys salasy (331,1 myń teńge, oǵan qosa 19,9%) kirdi.
Jalaqynyń eń kóp ósýi ákimshilik jáne qosalqy qyzmet kórsetý salasynda baıqaldy (jylyna 37,1%, 256 myń teńgege deıin), eń azy — jyljymaıtyn múlikpen operaııalar salasynda (jylyna 2,7% - ǵa, 181,9 myń teńgege deıin).
"Adyrna" ulttyq portaly
