Sońǵy ýaqytta el aýzynda júrgen, 90-jyldardaǵy adam óltirýshiler jaıly túsirilgen "5:32" veb-serıaly mıllıondaǵan qaralym jınaýda. Eń qyzyǵy, serıal shynaıy oqıǵaǵa negizdelgen. Árbir serııadaǵy manıaktar shynaıy ómirde bolǵan adamdar. Olar kimder?
Veb-serıaldyń birinshi serııasynda manıak-taksıstterdiń oqıǵasy beınelenedi. Vokzaldan úıine qaıtpaq bolǵan alysta turatyn qyzdardy arzan baǵada úıge jetkizemin dep aldaǵan taksıst, jospar boıynsha jolaýshy qyzdy aldyńǵy oryndyqqa otyrǵyzyp alady. Jolaı kezdesken sybaılas jigitti, jolaýshy dep aldap, artqy oryndyqqa otyrǵyzady. Sybaılasy artqy oryndyqta otyryp, temir symmen qyzdy qylqyndyryp óltirip, keıinnen zorlap, órtep jiberedi.
Birinshi bólimde kórsetilgen oqıǵa shyn ómirde 2011-2012 jyldary arasynda Shymkent qalasynda oryn alǵan. Qorqynyshty oqıǵada qylmysker synyptastaryn zorlaǵan, artynsha óltirgen. Ómirdegi esimi - Bolatbaı Berdalıev, al joldan otyrǵan sybaılasynyń esimi Abdýseıt Ormanov. Osyndaı jospar boıynsha qanshama qylmys jasaǵan eki dos, ustalyp, ómir baqı bas bostandyǵynan aıyrý jazasyna kesiledi.
Serıaldyń ekinshi bóliminde adamdardy óltirip, etinen belıashı jasap satqan áıel keıipker týraly baıandalady. Senarıı jelisi boıynsha, áıel kóshedegi alqashtarǵa araq berip qatyryp, artynsha óltirip, denesin bólshektep, etinen belıashı jasaıdy. Ony ózi de jep, satyp tipti, kásip qylady. Bul keıipker negizinen shynaıy ómirdegi Nıkolaı Jumaǵalıev esimdi serııaly manıaktyń protatıpi.
Nıkolaı óziniń alǵashqy qurbanyn qalaı óltirdi?
1979 jyly qańtar aıynda Uzynaǵash – Maıbulaq tas jolynda Jumaǵalıev jalǵyz júrip bara jatqan qyzdy kórip qalady. Jas jigit qyzdy artynan qýyp jetip, keýde tusyna pyshaq suǵyp, butalardyń arasyna súırep aparǵan. Qyzdy jerge qulatqan Jumaǵalıev pyshaqty onyń tamaǵynan tilip, qanyn ishe bastaǵan.
Manıakty bul áreketke onyń okkýltızmge degen qumarlyǵy ıtermeledi: ol óziniń oqyǵan kitaptarynyń birinde adamdy tamaǵynan kesý arqyly janynyń deneden qalaı shyǵatynyn kórýge bolatynyn oqyǵan. Sonymen qatar, Jumaǵalıev kitaptardan qurbanynyń qanyn ishý arqyly adam kóripkeldik qabiletke ıe bolatyny jaıynda oqyp bilgen. Biraq shyndyǵynda ol, qyzdy óltirip onyń janyn qalaı shyqqanyn kóre almady jáne eshqandaı tylsym kúshterge ıe bolmady - biraq qarapaıym manıak atandy.
Jumaǵalıev óltirgen qyzdyń etin tamaqqa paıdalanýdy josparlap, máıitti soıyp, bólshekteı bastaǵan. Ol bir aıǵa jýyq alǵashqy qurbanynyń etin jedi: pisirip, qýyryp, tuzdady, sonymen qatar kotletter men tushpara da pisirdi. Jumaǵalıev dene qaldyqtaryn putqa tabynýshylyq rásimderi úshin paıdalandy. Qurbannyń qaldyq denesin kezdeısoq ótip bara jatqandar 25 qańtarda Fabrıchnyı aýyly mańyndaǵy qoqys tastaıtyn jerden taýyp alǵan.
Tórtinshi serııadaǵy jalǵyz aıaqty shaldyń oqıǵasy da ómirden alynǵan. Onyń shyn ómirdegi esimi - Aleksandr Dýdnık. Al bul oqıǵa shynaıy ómirde de dál serıaldaǵydaı boldy:
Vıshnevka aýyly, 1993 jyl. Sol jyldary osy aýyl aımaqtarynda qatynaý kólikteri az bolatyn. Natalıa esimdi jas arý, óz aýylyna anasyna kartop qazýǵa kómektesýge barmaqshy bolady. Alaıda aq nıetti arý qyz, úıine, anasyna jete almady. Qyzdyń denesin bir aıdan soń aýyl mańyndaǵy ormannan mal baǵýshylar taýyp alady. Sanaýly kúnderden soń osy aýdannan taǵy bir áıeldiń joǵalǵany týraly derek kelip túsedi. Úsh balanyń anasy bolǵan áıeldiń joǵalǵany týraly is aıaqtalmaǵan kúıi kóktemge deıin qalady. Keıinnen 1994 jyldyń maýsym aıynda taǵy bir áıel joǵalyp ketedi. Bul jolǵy iske tájirıbeli polıeıler men jýrnalıster de jumyldyryldy. Anyqtalǵan faktiler boıynsha, áıel jolǵa shyqqan kúni joldan júrip ótken júrgizýshi alystan bir qarany baıqaǵanyn baıandaǵan. Ereksheligi ol kári kisi, ári bir aıaǵy joq, degen eken. Al bul 56 jastaǵy sol Aleksandr bolatyn.
Aleksandr sol ýaqytqa deıin de, "Zorlaý" baby boıynsha túrmede otyryp shyqqan. Ol on bes jylǵa sottalǵan bolatyn. Tipti bir ret jertóle arqyly túrmeden qashyp ta ketken eken. Oǵan ólim jazasy taǵaıyndalǵanymen sot sheshimi meıirimdilik tanytyp, onyń bas bostandyǵynan aıyrý jazasyn 18 jylǵa uzartty. Alaıda osy jolǵy qylmystary úshin Aleksandrǵa rasymen de, ólim jazasy taǵaıyndaldy. Osylaısha ony 1996 jyldyń 5 sáýirinde atý jazasyna kesti.
"Adyrna" ulttyq portaly
