Salem social The Rocket Stories komandasymen jäne rejisser Älışer Utevpen bırge «5:32» jaŋa veb-serialyn şyǧardy. Jelıde serialdyŋ äzırşe 3 bölımı ǧana jaryq kördı. Alaida köptegen adamnyŋ köŋılınen şyǧyp, million qaralymdy bırden jinady. Serial 90-jyldardaǧy qatıgezdıktı baiandaidy. Adamdardy qinap, qorlap öltırumen ainalysqan maniaktardyŋ adam sengısız äreketterı jelısınde tüsırılgen. Soraqysy, ömırde bolǧan oqiǧa. Serial avtorlary öz körermenderıne köşede jürgende meilınşe saq bolularyn eskerttı.
Adam etınen taǧam: Maniak älı de tırı
5:32. 2 serialǧa arqau bolǧan ıs – adamdy bauyzdap, etınen beliaşi jasap, satqan beldemşe kigen maniak. Serial jelısı boiynşa, maniak sūrauy joq, ışımdıkke salynǧan er adamdardy öz qūzyryna tüsırdı. Kündelıktı satatyn beliaşiı adam etınen edı. Üiıne qaityp bara jatqan kezınde bır er adam araq sūrap tiısedı. Maniak sol jerde onyŋ jürek tūsynan bırneşe ret pyşaq sūǧyp, öltırıp tastaidy. Polisiia bölımşesıne barǧanda «öz-özımdı qorǧadym, pyşaq menıkı emes» dep aqtalady. Keiın Şalqar esımdı detektiv būl ıste bır şikılık baryn bılıp, äieldıŋ üiıne bet alady. Sol sätte, maniak kışkentai balany öltırmek bolǧan. Der kezınde kelgenımen, bala tūnşyǧyp jantäsılım etedı...
TikTok äleumettık jelısın qoldanuşylar serialǧa arqau bolǧan maniak älı de tırı ekenın jarysa jazuda. Endeşe, «Adyrna» ūlttyq portalynyŋ tılşısı KSRO-nyŋ basty kannibalyna ainalǧan, adam keipındegı haiuan atanǧan maniak turaly baiandaidy.
Nikolai Djumagaliev 1952 jyly 15 qaraşa künı Ūzynaǧaşta düniege kelgen. Anasy belarus, äkesı qazaq. Aŋyz boiynşa būl otbasy Şyŋǧys hannyŋ ūrpaǧy. Bala künınde Djumagaliev mūny maqtan tūtyp, ünemı aityp jürgen.
Bala kezınde eşqandai erekşelıgın körsetpegen Nikolai qarapaiym balalarmen qatar ösken. Aşuly mınezı de baiqalmaǧan. Bır kemşılıgı qyzdarǧa «olar ekınşı sorttyŋ adamdary» dep mensınbeuşılıkpen qaraǧan.
1970 jyly Almatydaǧy temırjol uchilişesın bıtırgennen keiın Djumagaliev joldamamen Gurev qalasyna jūmysqa ornalasyp, keiın äskerge attanady. Äskerden oralǧan soŋ ol mamandyǧyn özgertudı oilap, Qazan universitetınıŋ geologiialyq barlau fakultetıne tüsuge şeşım qabyldaidy. Bıraq jospary oryndalmai, jaŋa mamandyqty igere almaidy. Emtihannan ötpei qalady.
1977 jyly Ūzynaǧaştaǧy ört söndıru bölımşesıne jūmysqa tūryp, 2 jyl tynyş ömır süredı. Özınıŋ eş närseden läzzat almaitynyn tüsınıp, adam öltıruge bel bailaidy.
Qatıgezdıkke barǧan alǧaşqy qadamy 1979 jyly öz auylynda bolady. Tün ışınde jalǧyz ketıp bara jatqan qyzdy aiuandyqpen öltırıp, qanyn ışedı.
Tolyq jan täsılım etken soŋ, onyŋ är dene müşesın bauyzdap, etın bır ai boiy tamaq etıp jegen. Kotlet, tüşpara jasaǧan.
Maniakty būl äreketke onyŋ okkultizmge qūmarlyǧy itermeledı: oqyǧan kıtaptarynyŋ bırınde adam tamaǧyn kesu arqyly jannyŋ deneden qalai şyǧatynyn köruge bolatyny turaly aitylǧan. Sonymen qatar, Djumagaliev kıtaptan adamnyŋ qanyn ışumen körıpkeldık qabıletke ie bolatynyn bıldı. Qanyn ıştı, tamaǧyn kestı. Bıraq eşqandai erekşe qasiettı ielenbedı. Aqyrynda, qandyqol qanışerge ainaldy.
Kezekpen-kezek oiyn sekıldı jalǧasqan būl äreketı aşylyp, tergeu barysynda aiyptaluşy psihiatriialyq saraptamadan öttı. Saraptama nätijesı Nikolai Djumagalievtıŋ şizofreniiamen auyratynyn anyqtady. Osylaişa maniak türmeden qaşyp, 4,5 jyl psihiatriialyq auruhanada jatyp şyǧady desedı. Şyndyǧynda ol auruhanada tek 1 jyl ǧana uaqyt bolǧan. Keiın därıgerler nauqasty ıs jüzınde sau dep eseptep, ony bosatqan.
Bostandyqqa şyǧyp, eskı äuenıne qaita basady. Bırden 3 äieldı öltıredı. Onyŋ bırı jaŋa bosanǧan äiel. Ony 18 jerden pyşaqtaidy.
Qandy qoldan qaza tapqandar sany 9-ǧa jettı. Būl joly bärı basqaşa. 1980 jyly Djumagalievtıŋ üiıne dos-jarandary jinalyp, üidıŋ ışı u-şuǧa ainalady. Bır mezette qonaqtar jas qyz ben Nikolaidyŋ ortada joq ekenın baiqap, jatyn bölmege eskertusız kırıp barady. Köz aldaryndaǧy sūmdyq kartinany körıp, bırden polisiia şaqyrady.
Ol qyzdyŋ basyn kesıp, qanyn tabaqqa qūiǧan. Polisiia kelgen mezette ol qaşyp ülgeredı. Keiın üiın jıtı tekseru kezınde, ölgen adamdardyŋ etı, denesı jasyrynǧan böşkenı tauyp alady.
Djumagaliev köp ūzamai tanysynyŋ üiınen tabyldy. Jertölede 2 kün boiy jasyrynǧan Nikolai 7 adamdy öltırgenın bırden moiyndady. Däl sol uaqytta özınıŋ jaqyn äpkesı ız-tüssız joǧalyp ketken bolatyn. Alaida būl ıske tük qatysy joq ekenın aityp älekke tüstı.
Jauap alu kezınde ol adamdardy ne üşın öltırgenın aşyq aityp berdı.
«Men tek januar keipınde boldym. Adamdar januarǧa ne ısteidı, men de sony ıstedım. Maǧan äiel adamdardyŋ aǧzasy qyzyq boldy. Bır jaǧynan äielder tabiǧatqa qarsy şyǧyp er adamdarmen teŋeskenı üşın yzalandym»,-dedı Nikolai.8 jyl psihiatriialyq auruhanada jatyp, keiın därıgerler qarapaiym psihiatriialyq auruhanaǧa auystyruǧa şeşım qabyldaidy. Auysym kezınde, ädettegışe taǧy da qaşyp ketedı. Qaşqyn tauly aimaqtarda tyǧylyp, üŋgırlerdı panalady. Daladan emdık şöpterdı jinap, ony ırgedegı auyl tūrǧyndaryna sırıŋke men tamaqqa aiyrbastap kün köredı. Tıptı 2014 jyly oǧan taǧy bır student qyzdy öltırdı degen aiyp taǧylady. Oqiǧa 1990 jyly oryn alǧan. Būl onyŋ 10-şy qūrbany... Qazır Nikolai Djumagaliev Almaty oblysy Aqtas auylyndaǧy mamandandyrylǧan psihiatriialyq auruhanada jatyr. Bır kezderı ony tıptı ölım jazasyna kesu turaly ötınış te tüsken. Alaida zaŋ tūrǧysynan būl ötınış qūptalmady.
Auruhana därıgerlerınıŋ keibırı onyŋ qalypty ömırge beiımdelıp qalǧanyn, jaqyn arada bostandyqqa şyǧuy da mümkın degen pıkır bıldırgen. Bıraq Qylmystyq ızdestıru Bas basqarmasynyŋ (GURQ) seriialyq qylmystar jönındegı mamany Evgenii Samovichev:
«Ol adam qalpyndaǧy aŋ. Ol eşqaşan adamnyŋ ömırın sürmeidı»,- dedı.Qoryta kele, 90-jyldar qarapaiym halyq esınde «öte qiyn, joqşylyq kezeŋ» retınde qalǧany ras. Ökınıştısı, adamdar tek joqşylyqta emes, naǧyz qandy-qol qylmyskerler zamanynda ömır sürgen. Mūndai jaǧdai qaibır uaqytqa,kezeŋge qaramaidy. Tıptı qazır de maniaktar bar. Bırı jariia bolsa, bırı jasyryn... 5:32 serialy är aptanyŋ beisenbı künınde Aitube jelısıne şyǧady. Kelesı qylmys qandai bolar eken? https://www.youtube.com/watch?v=EgszWSaTBbs
Inju ÖMIRZAQ,
"Adyrna ūlttyq portaly
Ūqsas jaŋalyqtar
