QR Din isteri jáne azamattyq qoǵam mınıstri
N.B.Ermekbaev myrzaǵa
QR Mádenıet jáne sport mınısri
A.Muhamedıuly myrzaǵa
Aqmola oblysynyń ákimi
M.K.Myrzalın myrzaǵa
Kókshetaýdaǵy Býrabaıda Abylaı han otyrdy dep ańyzdalatyn "Han taǵy" dep atalatyn eskertkishti bárimiz bilemiz. Ondaǵy aqparattyq taqtaıshada jazylǵan "Bul jer qulshylyq jasaıtyn, tabynatyn, táýáp qylatyn jer emes" dep úsh tilde jazýshylardyń jymysqy oıy da túsinikti. Baıaǵy serik qosý degen syltaýmen qasıetti jerlerge jurttyń barýyna tyıym salý ǵoı.
Keshegi Maǵjan, Sákender jyrǵa qosqan, qurmettegen tarıhı orynǵa ásire dinshil keıipke túsken urpaǵynyń qarym-qatynasy osy bolyp tur. Qazaq eskertkishke tabynbaıdy, qurmet kórsetý arqyly tarıhı jadyn jańǵyrtady, rýhanı jańǵyrý degenimiz sol. Elbasynyń «Rýhanı jańǵyrý» baǵdarlamasy, onyń ishidegi «Qasıetti Qazaqstan» kishi baǵdarlamasy osyndaı tarıhı oryndardy ózimiz tanyp qana qoımaı, shetelderge tanystyrý emes pe? Maǵlumattyq taqtaıshany qoıǵan memlekettik qyzmetkerler bolýy múmkin. Eskertkishke qarapaıym kisi aqparattyq taqtaısha qoıa almaıdy ǵoı. Sonda memqyzmetkerler Elbasynyń «Rýhanı jańǵyrý» baǵdarlamasyna qarsy ma? Sonymen birge memlekettik qyzmetkerler ózderiniń dinı kózqarastaryn qyzmette bildirip, qoldanýyna tyıym salatyn zań shyqqan joq pa edi.
Al "Han taǵyna" qyzyl X belisin qoıyp, eshqandaı qısyny bolmasa da qaǵbanyń sýretin qoıyp, kókpen qoldaý √ belgisin ornatýlaryn qalaı túsinemiz? Qazaqtyń eskertkishi kerek emes, odan da Mekkege bar /tabyný/ degen oıdy megzep turǵandaı. Sırııada, Irak, Aýǵanstan tárizdi ýahabızmniń otanyna aınalǵan elderde eń áýleli dál osylaı tarıhı oryndar men jergilikti halyqtyń tól mádenıetin, dástúrin joıý arqyly syrt kúshter dinı ıdeologııalyq jumystar júrgizgeni belgili. «Adyrna» ulttyq-etnografııalyq birlestigi óz jarǵysynda kórsetilgendeı qazaqtyń ulttyq qundylyqtaryn, mádenı-rýhanı qundylyqtaryn nasıhattaý jáne qorǵaý maqsatynda osy hatty jazyp otyr.
Ár mádenıettiń óz oryny bar. Bul jerde qaǵba sýreti beriletin esh reti joq. Sheteldikterdi qydyrtyp júrgen aǵamyz maǵlumattyq taqtaıshanyń qasynda qonaqtardyń aldynda jerge kirerdeı qyzaryp uıalǵanyn jetkizdi. Ózimizdi qoıshy, sheteldikter óz tarıhyn tabanǵa salǵan el dep bizdi mazaq etip ketetin shyǵar. Óz eskertkishterimizdi ózimiz qadirlemesek, ózgeler qurmetter dep qalaı úmittenesiz?
QR Din isteri jáne azamattyq qoǵam mınıstrligi, QR Mádenıet jáne sport mınıstrligi jáne Aqmola oblysy ákimshiliginen bul másele boıynsha qandaı da bir shara qoldanady dep senim artamyz.
Arman ÁÝBÁKIR,
"Adyrna" ulttyq-etnografııalyq birlestiginiń dırektory
