Tańǵajaıyp Tamıla

2071
Adyrna.kz Telegram

­Qyrǵyzdyń jap-jas áıgili músinshi qyzy. Sát saıyn aınalasyn tań qaldyryp keledi. Qoly tıgen músinderinde min joq. Sankt-Peterbýrgtegi oqýyn bitirer kezde dıplom jumysy retinde Alataýdaı Aıtmatovty keskindedi. Onysy ǵajap endi. Búkil qazaq Uly aqynymyzdy ulyqtap jatqan tusta ol óner órine óz Abaıyn alyp shyqty. Abaı bolǵanda qandaı!

Músinshi qyzdyń ónerden ózge eshnársede sharýasy joq. Úndemeı jumys istegendi ǵana biledi. Tek ara-tura osyndaı bitirgen dúnıelerin jelige júktep qoıady. Tamılanyń tirligin sodan bilemiz.
Mine, "Qyrǵyz qyzy" dep atalatyn taǵy bir músinin aıaqtapty. Qarashy endi... Mysqaldaı min bar ma?! Soǵan qaraǵanda saz balshyqty shertip jiberse shedevr shyǵaratyn Tamıla Mamatova músin ataýlyny qolymen emes, júregimen jasaıdy-aý deımin...

Aman júrińiz, qyrǵyzdyń tıtimdeı ǵana talantty qyzy!

Baýyrjan OMARULY

Pikirler