Belgili jýrnalıst Qasym Amanjol aıtysker aqyndardy «eldiń kóńilin kóterýge arnalǵan adamdar» dep esepteıdi. Bul týraly ol Qasqa Jol Youtube arnasynda Abaı Seıfýllaǵa bergen suhbatynda aıtty, dep habarlaıdy "Adyrna" ulttyq portalynyń tilshisi.
- Aıtysker qaýymy – asabanyń ar-jaq ber jaǵyndaǵy qaýym ǵoı. Olar da sol eldiń kóńilinen shyǵatyn nárselerdi aıtýǵa tyrysady. Jalpy jeńil shoý janryndaǵy ártister sondaımen aınalysady. Halyqtyń kóńilinen shyǵýǵa tyrysyp, túrli baǵyttaryn tańdap alady. Óz basym aıtys kórmeımin, aıtystaǵy lozýngtar, pozıııalar kúlki shaqyrady,- dedi Qasym Amanjol.
Onyń oıynsha, aıtysker aqyndardyń aıtqandaryn jýrnalıstıkadaǵy kóteriletin máselelerdiń salmaǵymen salystyrýǵa bolmaıdy.
- Eshqashan jýrnalıstpen aıtyskerdi qatar qoımaımyn. Sebebi aıtysker sol jerde turǵan júlde emes janyn salyp, tipti jýrnalıstiń kóterip otyrǵan máselesin plagıat jasaýmen aınalysady. Aldyn ala «zagotovka» jasaǵanda «Jas Alashtan» problemalardy terip alady. Aıtysker degen jeńil qaýym, eldiń kóńilin kóterýge arnalǵan adamdar. Biraq olardy eshqashan tereń kásip ıeleri dep aıta almaımyn. Olar sóıtip ómir súredi, halyqtyń yqylasyna bólenedi, et jeıdi, bas mújıdi, túrde otyrady. Júre bersin sola, - dep pikir bildirdi jýrnalıst.
Baǵdarlama júrgizýshisi suhbat barysynda Q. Amanjolǵa aıtysker Rınat Zaıtovtyń saıasatqa barýy týraly aıtqan edi.
- Iá, solaı jyltyń-jyltyń etedi de artynan ózderiniń kim ekeni belgili bolyp, masqaraǵa ushyrap jatady. Qyzyǵy – olar qaıtadan óz qaýymyn taýyp alyp, úlde men búldege oranyp júre beredi. Men bulardy baqsy-qushnash deımin. Baqsy-qushnash búgin bylaı saırasa, erteń basqasha saırap júredi. Qazaqstan sııaqty balań memleketterde mundaı adamdar súıkimdi bola beredi,- deıdi jýrnalıst.
"Adyrna" ulttyq portaly
