Bügın jurnalist, satirik jazuşy Qanat Eskendır äldekımderden qysym körıp jatqanyn mälımdedı, dep habarlaidy Adyrna ūlttyq portaly.
Jurnalistıŋ aituynşa, osydan bırneşe kün būryn ony belgısız adamdar soqqyǧa jyqqan. Soqqynyŋ auyr bolǧany sonşalyq, Qanat Eskendır Almaty qalasyndaǧy emhanalardyŋ bırınıŋ neirohirurgiia bölımıne tüsıp, arnaiy emdelgen.
Jurnalistıŋ aituynşa, jaǧy da synypty. Sonymen qatar, soqqyǧa jyqqandar tısterın de qaǧyp alǧan.
Küdıkke ılıngen azamattar ūstalǧanymen, Almaly audandyq polisiia bölımı olarǧa äkımşılık ıs qozǧap, "jeŋıl dene jaraqatyn salǧan" degen aiyppen bosatyp jıbergen.
Qanat Eskendır endı özınıŋ jeke bas qauıpsızdıgı men bala-şaǧasynyŋ ömırınen alaŋdap otyr.
Būl jönınde ol Facebook-tegı paraqşasyndaǧy jazbasynda jazǧan.
Jazǧanyna qaraǧanda, ışkı ıster basqarmasynan tergeuşıler kelgen. "Maǧan jäne otbasyma jasalǧan qoqan-loqqy men jeke basyma qatysty jasalǧan şabuyldy tergeitın boldy. Onyŋ syrtynda, erteŋ qalalyq Prokuraturaǧa da aryz jazatyn bop otyrmyn" degen ol. "Senıŋ baldaryŋnyŋ är qadamyn bılemız!" degender - laiyqty jazasyn aluy kerek!" dep jazady Qanat Eskendır.Adyrna ūlttyq portalynyŋ tılşılerı jurnalist Qanat Eskendırdıŋ jaǧdaiyn bıldı. Ol ekı täulıkten berı ūiyqtamaǧanyn, sondyqtan jaǧdaidy tolyq tüsındırıp aita almaitynyn, qandai jaǧdai bolmasyn kınälıler ädıl jaza alu kerektıgın aitty.
"Adyrna" ūlttyq portaly
Ūqsas jaŋalyqtar
