Eksklıýzıv: Qazaqstandaǵy qupııa syzbalardy ıemdenýge tyrysqan kásibı shpıon

3108
Adyrna.kz Telegram

QR UQQ 2000 jyldary júrgizilgen arnaıy operaııalar týraly materıaldardy jarııa etti. Osyndaı oqıǵalardyń biri - Qazaqstandaǵy qupııa áskerı joıǵysh ushaqtarynyń syzbalaryn ıemdenýge tyrysqan sheteldik kásibı shpıon, dep habarlaıdy "Adyrna" ulttyq portaly. 

Tymyq kúz. Áýe bazasynyń qasyndaǵy kafe. Orta boıly, shymyr deneli erkek temekisin kúlsalǵyshqa salyp, tez sóndirdi. Tolqyp ketkeni sonsha, erik-jigerin joǵaltyp, aldynda jatqan qujattarǵa qarady – Qazaqstannyń áskerı joıǵysh ushaqtarynyń syzbalary onyń dirildegen qolynda turdy. «Qolym jetti-aý», – dep ishteı kúbirlep qoıdy, shpıondyq mıssııasy shyrqaý shegine jaqyndap qalǵan edi...

 

 

…Oqıǵanyń bastalǵan ýaqyty 2001 jyldyń shilde aıy edi, sol kúni Áskerı qarsy barlaý bólimindegi telefon shyryldap qoıa bergen. «Máke, shuǵyl kezdesýimiz kerek. Keıinge qaldyrýǵa bolmaıtyn is bolyp tur», – dedi tutqadaǵy daýys.

Arada 30 mınýt ótkende Marat qupııa páterde «Baýyrjan» deıtin jedel laqap aty bar agentin kútip otyrdy. Shuǵyl kezdesýge shaqyrǵan sol bolatyn. Kezdesý kezinde usaq kommerııamen aınalysatyn, «dóńgelenip ómir súrip» júrgen sheteldik týraly áńgime órbidi. Ártúrli syltaý aıtyp, usynylǵan saýdadan qashqaqtaı beretindigi sóz boldy. Áskerı bólimderdiń is-qımylyna, áskerı qyzmetkerlermen jáne olardyń aınalasyndaǵylarmen dostyq qarym-qatynas ornatýǵa erekshe tyrysatyndyǵy ony óziniń otandastarynan erekshelep turady eken. Otan qorǵaýshylarǵa qomaqty somany qaryzǵa berip, qaıtarymyn alýǵa asyqpaıtyn kórinedi. Kásipker retinde búrkemelengen sheteldik tamyr-tanystarynyń sanyn arttyra berdi. Jergilikti turǵyndar onyń atyn aıtýǵa qınalatyn bolǵandyqtan, jaı ǵana Kolıa deıdi.

 

 

Kúdik týdyryp otyrǵan sheteldiktiń oıynda ne baryn bilý týraly sheshim qabyldandy. Otandary ortaq bolǵannan keıin «Baýyrjannyń» atalǵan sheteldiktiń senimine kirýi asa qıyn bolmaıtyn edi, ári kúdik te týdyrmaıtyndyǵy anyq. Onyń ústine kúdiktiniń elinde talaı márte bolyp kelgen, sondyqtan onymen áńgime kórigin qyzdyrý oǵan túkke turmaıtyn edi.

Kezdesýdiń ártúrli nusqalaryn talqylaǵannan keıin jedel qyzmetker men agent sheteldikti qonaqqa shaqyrýǵa kelisti.

 

 

Shaǵyn páterdiń jınaqy bólmesindegi dastarhan basynda eki erkek áńgimelesip otyrdy. Arasynda úıdegi áıel de kirip-shyǵyp júrip, kúndelikti turmysqa qatysty áńgimege aralasyp otyrdy. Ústel ústinde býy burqyrap asylǵan  et jáne bótelkedegi jartylaı ishilgen araq turdy. Dostyq kóńil-kúıdegi áńgime arasynda «Baýyrjan» jańa tanysyna birigip metallolom tasý týraly usynysyn aıtty, metallolom degeniń Qazaqstanda jetkilikti, al túsken paıdany qyldaı bólip alyp otyrady. Biraq mundaı usynys sheteldikti onsha qyzyqtyra qoımady. Onyń ańsary qala shetindegi áýe bazasyna kóbirek aýyp otyrdy.

Óz elinde baǵaly metalǵa suranystyń joǵary ekendigin, ondaı metall áskerı ushaqtardyń basqarý bloktary men apparatýralarynda bolatyndyǵyn aıtqan Kolıa, shyn máninde oıyndaǵysyn bildirdi. Araqty kóbirek ishkendigi jáne úı ıesiniń qonaqjaılylyǵy saqtyq sezimin umyttyryp jiberdi.

 

 

Sheteldikpen áńgime barysynda Baýyrjan áýe bazasynda qyzmet etetin óziniń dosy Berik týraly sóz etip, qajet bolsa tanystyrýǵa bolatyndyǵyn aıtty. Osydan keıin eki adam da búgingi kezdesýdiń qorytyndysyna razy bolyp tarasty.

Qarsy barlaýshylardyń grossmeısterlik josparlary jandana tústi...

Bul oqıǵanyń jańa keıipkeri Berik sheteldikke qujattardyń qupııa ekendigin birneshe márte qaıtalady, biraq mundaı áńgime Kolıany toqtatpady. Qarmaqtaǵy jemdi jutqandaı boldy.

Ortalyqqa jasaǵan Marattyń tolyq baıandamasynan keıin UQK jedel toby shuǵyl túrde kelip jetti.

 

 

Jedel top shpıon úshin eki paket qujat daıyndady. Birinshisi – «tanysýshylyq» sıpattaǵy qujattar, onyń ishinde reseılik mór basylǵan qupııa emes materıaldar jatty. Qujattardy qaraǵan sheteldik razy bolyp qaldy.

Ekinshi paket qupııalylyq belgisi bar qujattardan quralǵan sııaqty bolyp kóringenimen, shyn máninde olaı emes edi.

Alda jedel qyzmetkerlerdi jaýapty sát kútip turdy – shpıondy ustaý kerek. Kezdesý orny retinde áýe bazasynyń qasyndaǵy úlken emes bir qabatty ǵımarattaǵy 10 adamdyq kafe tańdap alyndy. Shpıondy dál osy jerde «alý» týraly sheshim qabyldandy: ǵımarat jabyq, kóshege qaraǵanda yńǵaıly, kóshede aýa raıynyń qolaısyzdyǵy da áser etýi múmkin.

Ustaıtyn ýaqyt jaqyndap, jaǵdaı kúrdelene tústi. Jedel qyzmetkerlerdiń asyǵys ta qaýyrt júristeriniń astarynda is-sharaǵa josparly daıyndyq jasyrynyp jatty. Alǵashqy sátten-aq olar iske belsendilikpen kiristi. Marat olardy oısha aranyń uıasymen nemese qumyrsqa ıleýimen salystyrdy, árkim óz jumysyn naqty biledi jáne óz mindetterin oryndaıdy.

UQK jedel qyzmetkerleri is-sharany tehnıkalyq turǵydan súıemeldeý máselesine jete nazar aýdardy. Kezdeısoq oqıǵalardan saqtaný úshin kafeniń mańaıy qorshaýǵa alyndy, al kelýshilerge qoıylǵan ústelderde kıimderin aýystyryp kıgen UQK qyzmetkerleri otyrdy. Bir sózben aıtqanda, jedel top tolyq áskerı daıyndyqta boldy.

Mine, alystan tanys beıne kórindi. Ásheıinde asyqpaı júretin sheteldiktiń aıaq alysy ózgerip, áldeneden dámelengen adamnyń júrisine aýysqandaı asyǵyp kele jatty. Sheteldik qaýipti sezgen joq: kafedegiler-áskerıler buǵan nazar aýdarmastan, jaıbaraqat tamaqtanyp otyrǵandaı bolyp kórindi. Degenmen aýdıo-beıneapparatýralary onyń kelgenin tirkep alǵan edi.

Qonaǵyn kútip otyrǵan Berik ony qarsy betine jaıǵastyrdy. Qysqasha áńgime aıtqannan keıin ýádeli papkany usyndy. Sheteldik temeki shege otyryp, qujattardy asha bastady, sonymen qatar óziniń barlaý rezıdenııasyna qujattardy beretin sátin de oısha qııaldap ketti. Kózi júgirip, saýsaqtary dirildep qoıa berdi.

Bul tynyshtyqty kenetten tasyrlaǵan dybys bólip ketti. Qaıdan shyǵa kelgeni belgisiz betperde taqqan, avtomat kezengen ustaý toby saý ete qaldy. Qas-qaǵym sátte betimen qulaǵan sheteldik kafeniń salqyn edeninde jatty.

Sheteldik kópke deıin esin jınaı almady. Bolǵan oqıǵany áreń esine túsirdi, áýelgide taǵylǵan barlyq aıypty joqqa shyǵardy, jedel qyzmetkerler men tergeýshilerdiń arandatqandyqtaryn aıtyp aıqaılap ta aldy, halyqaralyq shý shyǵaratyndyǵymen qorqytty.

Biraq naqty aıǵaqtardyń yqpalymen sheteldik aıybyn moıyndady, ıaǵnı, óz eliniń arnaýly qyzmetiniń tapsyrmasy boıynsha qımyldaǵanyn, áskerı joıǵysh ushaqtarǵa arnalǵan tehnıkalyq qujattardy satyp alý úshin Qazaqstanǵa maqsatty túrde kelgendigin aıtty. Qazaqstan Respýblıkasyna qarsy shpıondyq jasady dep aıyptalǵan sheteldik Áskerı sottyń sheshimi boıynsha 10 jylǵa bas bostandyǵynan aıyryldy.

Aıta keteıik, otandyq áskerı qarsy barlaýdyń eń alǵashqy derbes te iri operaııasy qazirgi kúnge deıin kásibıliktiń etalonyna aınalyp otyr.

"Adyrna" ulttyq portaly

Pikirler