Bankter men kollektorlarǵa boryshkerlerden nesıe boıynsha kepilge qoıylǵan múlikten artyq múlik alýǵa tyıym salý kerek dep «Aq jol» partııasynyń depýtattary usyndy, dep habarlaıdy "Adyrna" ulttyq portaly.
2021 jyl, 3 qarashada Májiliste bıznestiń jańa retteýshi saıasaty týraly zań jobasyn talqylaý kezinde bankter men kollektorlarǵa boryshkerlerden nesıe boıynsha kepilge qoıylǵan múlikten artyq múlik alýǵa tyıym salý kerektigi týraly demokrattardyń kóshbasshysy Azat Perýashev málimdedi.
«Pandemııa jáne onyń ekonomıkaǵa alyp kelgen daǵdarysy kásipkerler men azamattardyń tólem qabilettiligin qalpyna keltirý problemasyn edáýir ýshyqtyrdy. Búginde myńdaǵan kásipkerler men azamattar bank nesıelerin óteı almaı júr.
Bul rette joǵary paıyzdardyń jetkiliksizdigine baılanysty bankter aldyndaǵy qaryzdar sharyqtap ósip jatyr», - dep atap ótti depýtat.
Ol mundaı dármensiz qaryz alýshylardan bankter kepil múlkin tárkilep, tómendetilgen baǵamen satatynyn atap ótti. Qun aıyrmashylyǵy sol boryshkerdiń ózine qaıta «júkteledi» jáne onyń somasy boryshkerlerdiń úıleri men bıznesterin alyp qoıǵannan keıin de negizgi qaryzdan asyp ketip jatady.
«Qazir biz Táýelsizdiktiń 30 jyldyǵyna raqymshylyq jasaý týraly Zań qabyldadyq. Bul adamgershilik turǵysynan mańyzdy shara. Biraq «Aq jol» frakııasy bul zańmen sottalǵandardy ǵana emes, sondaı-aq, qarapaıym halyqty qamtý qajet dep sanaıdy. Qarapaıym adamdar da, kásipkerler de adamgershilikke muqtaj», - dedi Perýashev.
«Aq jol» frakııasy nesıeni óteı almaı, kepilzat bergen, sonda da bankter men kollektorlarǵa táýeldi bolyp otyrǵan kásipkerler men azamattardy qorǵaý qajet dep sanaıdy.
«Jańa retteý saıasaty aıasynda bankter men kollektorlarǵa kásipkerler men azamattardyń qalǵan múlki men kiristerine, eger olar nesıe kepiline qoıylmasa, odan ári óndirip alýǵa (alyp qoıylǵan kepildikterden basqa) tyıym salýdy usynamyz», - dep málimdedi ol.
Bul rette «Aq jol» demokratııalyq partııasynyń basshysy kepilge qoıylǵan múliktiń «kez-kelgen jaǵdaıda baǵalaýshylar men sottar tarapynan naqty qunynan 1,5-2 ese arzanǵa baǵalanatynyn» atap ótip, bes adamǵa oq atqan Almatydaǵy boryshkerdiń qaıǵyly oqıǵasyn mysalǵa keltirdi.
"Adyrna" ulttyq portaly
