Sońǵy kezderi Shymkent qalasynda densaýlyq saqtaý salasy boıynsha úlken ózgerister oryn aldy. Atap aıtsaq, búırek almastyrý, baýyr aýystyrý sııaqty kúrdeli ota túrleri jasala bastady. Birneshe jańa ǵımarattar boı kóterdi. Jedel-járdem qyzmetiniń sapasy da artqan. Myqty-myqty mamandar arnaıy shaqyrtýmen tartyla bastady. Munyń bári de ólim-jitimniń azaıýýyna septigi tıip otyr.
Bul týraly bizge Shymkent qalasy densaýlyq saqtaý basqarmasynyń basshysy Baqytjan Pazylov áńgimelep berdi.
Suhbat barysynda búgingi tańdaǵy qalalyq aımaqtardaǵy emhanalardyń tynys-tirshiligi men aýrýhanalardaǵy kúrdeli otalarǵa qatysty, densaýlyq saqtaýǵa bólinetin qarjy men nazardyń búgingi jaı kúıine baılanysty túrli saýaldarǵa jaýap alyndy. Baqytjan Pazylov óz sózinde:
"Jalpy bıylǵy táýelsizdigimizdiń 30 jyldyǵy óte úlken, asa aýqymdy meıramdardyń biri. Ata babalarymyzdyń ańsap ketken táýelsizdiginiń arqasynda eshkimge qol jaıyp, eshkimnen nan surap otyrǵan joqpyz. Sonyń ishinde medıına salasyna keletin bolsaq, bıyl osy Shymkent bolyp bólingenimizge de biraz ýaqyt body. Bul da bir derbestigimizdi bildiredi. Qazir mine ózimizshe oblys, ózimizshe qala boldyq. Sonyń ishinde megapolıs bolǵannan keıin ár salaǵa jaýapkershilik arta tústi. Onyń ishinde medıına salasy da bar. Eń basty maqsat bizdegi, ol medıına salsynyń sapasyn kóterý. Mysal retinde alatyn bolsaq bizde Shymkent qalasynan óte kóp naýqastarymyz Nur-Sultan, Almaty, shet el asyp Tashkent, tipti Koreıa eliniń qalalarynan em izdep ketetin edi. Sebebi biz ol ýaqyttarda kúrdeli otalardy jasaı almaıtyn edik. Oǵan da sebep kóp edi. Birinshiden mamandar, ekinshiden qural jabdyqtar daıyn emes edi. Ekonomıkamyz sonshalyqty qural jabdyqtardy satyp alýǵa múmkindik jasaı almaıtyn edi. Al dál búgingi kúni, osy 30 jyldyqtyń tóńireginde alyp qaraıtyn bolsaq atalǵan osyndaı óte kúrdeli operaııalardy biz ózimiz jasap otyrmyz" dedi.
Týý kórsetkishi boıynsha Shymkent qalasy eń aldyńǵy qatarly qalalardyń biri ekenin basa aıtty. Pazylovtyń sózinshe Shymkentte ár 15 mınýt saıyn dúnıege sábı keledi eken. Sonymen qatar 14 memlekettik, 20 jeke menshik emhana densaýlyq salasyn damytýda tynbaı eńbektenip jatqanyn tiline tıek etti. Halyqtyń 30 paıyzy jeke menshik emhanaǵa tirkelgen bolsa, qalǵany memlekettik emhananyń kómegine júginetinin aıta ketti.
"Búkil Qazaqstan boıynsha qamtyp otyrǵan KAZMEDPRIBOR atty kásiporyn kompanııasy qazirgi tańda ókpeni jasandy jeldetý apparatyn, monıtorlardy, ÝZI, rentgen jáne taǵysyn taǵy, kóptegen qajetti medıınalyq qural jabdyqtardyń bárin shyǵaryp jatyr" dedi Baýyrjan Pazylov.
