Şymkent qalasynyŋ äkımdıgı aptasyna 24 saǧattan artyq jüktememen jūmys ısteitın pedagogterdı anyqtady, dep habardaidy «Adyrna» tılşısı.
Tekseru barysynda 40, 50, 60, tıptı 75 saǧat jüktememen jūmys ısteitın mūǧalımder bar ekenı belgılı bolǧan. Būl turaly Şymkent qalasy äkımınıŋ orynbasary Särsen Qūranbek brifingte mälımdedı.
«Bız jüktemesı 24 saǧattan asatyn pedagogterdıŋ bar ekenın anyqtadyq. Tıptı 30–32 saǧatty aitpaǧanda, 40–50 saǧattan 70 saǧatqa deiın jüktememen jūmys ısteitın mūǧalımder bar eken. Eger osy 60 saǧatty mūǧalımnıŋ 16 saǧattyq jüktemesıne bölsek, 4 ştattyq bırlık şyǧady. Iаǧni bır adam tört adamnyŋ jūmysyn atqaryp otyr. Mūny bız qyrküiek aiynda anyqtadyq jäne qatty taŋǧaldyq»,- dedı Särsen Qūranbek.
Qala äkımınıŋ orynbasary būl mäselege bailanysty būǧan deiın Oqu-aǧartu ministrlıgıne, prokuraturaǧa jäne eŋbek inspeksiiasyna jügıngenın aitty.
«Olarmen keŋese kele, mūǧalımnıŋ jüktemesı 24 saǧattan aspauy tiıs ekenın anyqtadyq. Nätijesınde qaladaǧy 83 mektep boiynşa şamamen 2 myŋ jasyryn bos jūmys ornyanyqtaldy, būl 1686 pedagogke arnalǧan jükteme degen söz. Keibır bılım beru ūiymdarynda bır pedagog oqu ısı jönındegı orynbasar bola otyryp, tärbie ısı jönındegı orynbasardyŋ da ştattyq bırlıgın qatar atqarǧan. Jūmys uaqyty saǧat 9:00-den 18:00-ge deiın ekenın eskersek, qyzmetkerdıŋ ekı lauazymdy bır uaqytta qalai atqaratyny zaŋdy sūraq tuǧyzady. Qazırgı taŋda bızde 2300 bos jūmys orny bar, onyŋ 1165-ı — jalpy bılım beretın mektep mūǧalımderıne arnalyp otyr. Al tehnikalyq jäne käsıptık bılım beru ūiymdarynda 170 bos oryn bar. Arnaiy jäne qosymşa bılım beru mekemelerınde 150 oryn, onyŋ ışınde 35 oryn — vedomstvolyq ortalyqtarda, al 543 oryn — pedagogikalyq emes qyzmetkerlerge arnalǧan. Al aula sypyruşylar men tehnikalyq qyzmetkerler bızde jetkılıktı»,-dep tüsındırdı ol.
Särsen Qūranbektıŋ aituynşa, osy brifingten keiın barlyq mektep anyqtalǧan bos jūmys oryndary boiynşa konkurs jariialap, bırneşe künnen soŋ bos oryndar järmeŋkesın ötkızedı.
