Keshe qatty jaýǵan jaýynnyń saldarynan Badam men Saıram sý ózenderi arnasynan asyp, Shymkenttiń birqatar aýmaǵyn sý basqan bolatyn. Qazirgi tańda nóser jaýynǵa tap bolǵan Eltaı jáne Qarabastaý eldimekenderinde der kezinde tıisti kómek kórsetilip, qaýiptiń aldyn alý jumystary júrgizilýde. Bul týraly búgin aqparattyq-kommýnıkaııalyq ortalyǵynda ótken brıfıngte Shymkent qalalyq tótenshe jaǵdaılar departamentiniń bastyǵy, azamattyq qorǵaý polkovnıgi N.Derbisov málimdedi.
- 13 mamyrda saǵat 19:14 mınýt ýaqytynda Eńbekshi aýdanynyń, Eltaı eldi mekenine qatty jaýyn-shashyn saldarynan taý baýraılarynan 4 baǵyttan sý kelgen. Nátıjesinde aryq júıesi isten shyǵyp, úılerdiń aýlasyna zalaly tıdi. Jalpy 60 turǵyn úı aýlalary men 60 sharýashylyq qurylysyn sý basqan. Onyń ishinde 24 turǵyn úıdi sý alyp, saldarynan bes sharýashylyq qurylys qırady. Qazirgi ýaqytta departament mamandarynyń kómegimen sý sorý jumystary júrgizildi, jergilikti atqarýshy organ qyzmetkerleriniń kúshterimen aryqtardy mehanıkalyq tazartý jumystary atqarylýda, - dedi N.Derbisov.
Departament bastyǵynyń baıandaýynsha, 60 turǵyn úıdiń turǵyny EJP-ne (evakýaııalyq jınalý pýnkteri) 150-ge jýyq turǵyn týysqandaryna evakýaııalanǵan. Eltaı eldi mekeni ornalasqan №120 orta mektebi men Maıatas eldi mekeninde ornalasqan №119 orta mektepte kómek kórsetildi. Qazirgi tańda jalpy 331 adam kóshirilgen. Qaza tapqandar men jaraqattanǵandar joq.
Sondaı-aq, búgin, ıaǵnı 14 mamyr kúni saǵat 01.14-te Eńbekshi aýdanynyń, Otkorm.sovhozynyń Gaýhar tas kóshesinde qatty jaýyn-shashyn saldarynan Badam ózeniniń sýy tasyǵan. Jaǵalaýdyń buzylýy saldarynan 2 turǵyn úıdiń qulaýyna qaýip tóndirgen (úılerge deıin 7-8 metr araqashyqtyq).
- Departament qyzmetkerleriniń kómegimen qaýip tónip turǵan 2 úıdiń 17 turǵyny №84 orta mektebine evakýaııalandy. Qaza tapqandar jáne jaraqattanǵandar joq. Osyndaı jaǵdaı, Badam ózeniniń jaǵasynda ornalasqan Qarabastaý eldi mekenindegi Saıajaı kóshesindegi úılerinde de oryn alyp, jalpy 13 azamat kóshirildi, onyń ishinde 6 bala bar. Jalpy tótenshe jaǵdaı saldaryn joıýǵa departamenttiń 133 qyzmetkeri men 14 dana tehnıka, 19 dana MP-100 motopompalar jumyldyryldy. Odan bólek, kommýnaldyq qyzmetten 46 qyzmetker, 31 dana tehnıka, Ultyq Ulan 100 qyzmetekeri jáne 4 dana tehnıka tartyldy, - dedi N.Derbisov.
Aıta keterligi, 112 kezekshilik qyzmetine turǵyndardan sý basý qaýpine baılanysty 28 qonyraý túsken. Barlyǵyn da shuǵyl túrde qyzmetkerler nazarǵa alyp, 973 tekshe metr sý sorylǵan. Jalpy 97 adam jeke quram, 23 tehnıka jumyldyrylǵan.
Eske sala ketsek, KazGıdroMet ortalyǵynyń málimetterine sáıkes, jaýyn-shashyn apta sońyna deıin jalǵasady. Bul rette Departamentte táýlik boıy jumys isteıtin arnaıy shtab qurylǵan. Qazirgi ýaqytta keltirilgen shyǵyn kólemi anyqtalýda, barlyq jaǵdaı turaqty baqylaýǵa alynǵan.
Shymkent
