Keşe qatty jauǧan jauynnyŋ saldarynan Badam men Sairam su özenderı arnasynan asyp, Şymkenttıŋ bırqatar aumaǧyn su basqan bolatyn. Qazırgı taŋda nöser jauynǧa tap bolǧan Eltai jäne Qarabastau eldımekenderınde der kezınde tiıstı kömek körsetılıp, qauıptıŋ aldyn alu jūmystary jürgızılude. Būl turaly bügın aqparattyq-kommunikasiialyq ortalyǧynda ötken brifingte Şymkent qalalyq tötenşe jaǧdailar departamentınıŋ bastyǧy, azamattyq qorǧau polkovnigı N.Derbısov mälımdedı.
- 13 mamyrda saǧat 19:14 minut uaqytynda Eŋbekşı audanynyŋ, Eltai eldı mekenıne qatty jauyn-şaşyn saldarynan tau baurailarynan 4 baǧyttan su kelgen. Nätijesınde aryq jüiesı ısten şyǧyp, üilerdıŋ aulasyna zalaly tidı. Jalpy 60 tūrǧyn üi aulalary men 60 şaruaşylyq qūrylysyn su basqan. Onyŋ ışınde 24 tūrǧyn üidı su alyp, saldarynan bes şaruaşylyq qūrylys qirady. Qazırgı uaqytta departament mamandarynyŋ kömegımen su soru jūmystary jürgızıldı, jergılıktı atqaruşy organ qyzmetkerlerınıŋ küşterımen aryqtardy mehanikalyq tazartu jūmystary atqaryluda, - dedı N.Derbısov.
Departament bastyǧynyŋ baiandauynşa, 60 tūrǧyn üidıŋ tūrǧyny EJP-ne (evakuasiialyq jinalu punkterı) 150-ge juyq tūrǧyn tuysqandaryna evakuasiialanǧan. Eltai eldı mekenı ornalasqan №120 orta mektebı men Maiatas eldı mekenınde ornalasqan №119 orta mektepte kömek körsetıldı. Qazırgı taŋda jalpy 331 adam köşırılgen. Qaza tapqandar men jaraqattanǧandar joq.
Sondai-aq, bügın, iaǧni 14 mamyr künı saǧat 01.14-te Eŋbekşı audanynyŋ, Otkorm.sovhozynyŋ Gauhar tas köşesınde qatty jauyn-şaşyn saldarynan Badam özenınıŋ suy tasyǧan. Jaǧalaudyŋ būzyluy saldarynan 2 tūrǧyn üidıŋ qūlauyna qauıp töndırgen (üilerge deiın 7-8 metr araqaşyqtyq).
- Departament qyzmetkerlerınıŋ kömegımen qauıp tönıp tūrǧan 2 üidıŋ 17 tūrǧyny №84 orta mektebıne evakuasiialandy. Qaza tapqandar jäne jaraqattanǧandar joq. Osyndai jaǧdai, Badam özenınıŋ jaǧasynda ornalasqan Qarabastau eldı mekenındegı Saiajai köşesındegı üilerınde de oryn alyp, jalpy 13 azamat köşırıldı, onyŋ ışınde 6 bala bar. Jalpy tötenşe jaǧdai saldaryn joiuǧa departamenttıŋ 133 qyzmetkerı men 14 dana tehnika, 19 dana MP-100 motopompalar jūmyldyryldy. Odan bölek, kommunaldyq qyzmetten 46 qyzmetker, 31 dana tehnika, Ūltyq Ūlan 100 qyzmetekerı jäne 4 dana tehnika tartyldy, - dedı N.Derbısov.
Aita keterlıgı, 112 kezekşılık qyzmetıne tūrǧyndardan su basu qaupıne bailanysty 28 qonyrau tüsken. Barlyǧyn da şūǧyl türde qyzmetkerler nazarǧa alyp, 973 tekşe metr su sorylǧan. Jalpy 97 adam jeke qūram, 23 tehnika jūmyldyrylǧan.
Eske sala ketsek, KazGidroMet ortalyǧynyŋ mälımetterıne säikes, jauyn-şaşyn apta soŋyna deiın jalǧasady. Būl rette Departamentte täulık boiy jūmys ısteitın arnaiy ştab qūrylǧan. Qazırgı uaqytta keltırılgen şyǧyn kölemı anyqtaluda, barlyq jaǧdai tūraqty baqylauǧa alynǧan.
Şymkent
Ūqsas jaŋalyqtar
