Memlekettık sifrlandyru platformasyn auystyruǧa reseilık "Sbermen" qatar Qytaidaǧy serıktester de öz qyzmetın ūsyndy. Būl turaly Qazaqstannyŋ sifrlyq damu, innovasiialar jäne aeroǧaryş önerkäsıbı ministrı Baǧdat Musin mälımdedı, dep habarlaidy "Adyrna" ūlttyq portaly.
Ministr "Sbermen" aradaǧy qol qoiylǧan memorandum Qazaqstanǧa eşteŋe mındettemeitının aitty. Musin yntymaqtastyq mäselesı saiasi emes, tehnologiialyq mäsele ekenın jäne kelısım jasalǧan jaǧdaida jūmystar jekelegen kompaniiamen jürgızıletının mälımdedı. Qazaqstan qoiyp otyrǧan basty talap – aşyq kodtardy ūsynu. Būl otandyq platformadaǧy aqparat qauıpsızdıgın tolyq qamtamasyz etuge mümkındık beredı.
- 30 jyl boiy bız tehnologiiany kımnen alyp otyrǧanymyz eşkımdı mazalaǧan joq. Zaŋ boiynşa bız platformaǧa tolyq analiz, tehnikalyq saraptama jürgızu kerekpız. Bız türlı kompaniialarmen kelıssöz jürgızdık. Basty talap – aşyq kodtar. Äzırşe osy şart boiynşa bızge Qytaidan ūsynys kelıp tüstı. Olardyŋ da bızge qoiatyn talaptary bar. Äzzırşe kelıssöz jürgızbedık, - degen ministr jariia etpeu turaly kelısımge bailanysty Qytaimen kelıssöz män-jaiyna tolyǧyraq toqtala almaitynyn mälımdedı.Eske salaiyq, biyl qyrküiekte Qazaqstannyŋ premer-ministrı Asqar Mamin men Sberbank basşysy German Gref Qazaqstandy sifrlandyru jobalary, sirflandyrudyŋ platformalyq ülgısıne jäne Data-Driven Government tūjyrymdamasyna köşu boiynşa yntymaqtastyq turaly memorandumǧa qol qoidy.
"Adyrna" ūlttyq portaly
Ūqsas jaŋalyqtar
