كەشە تۇندە بورىشىن وتەپ جۇرگەن سارباز ءوز-ءوزىن اتىپ تاستادى

6460

ورتالىق وڭىرلىك اسكەري-تەرگەۋ باسقارماسى قر ۇلتتىق ۇلاننىڭ №5516 اسكەري بولىمىندەگى سارباز ولىمىنە قاتىستى سوتقا دەيىنگى تەرگەۋ ىستەرىن جۇرگىزىپ جاتىر، دەپ حابارلايدى “ادىرنا” ۇلتتىق پورتالى zakon.kz سايتىنا سىلتەمە جاساپ. 

2021 جىلدىڭ 21 قازانىندا، ساعات 01.30 شاماسىندا ازاماتتىق بورىشىن وتەپ جاتقان سارباز وڭعاروۆ س.ب. پوستتا تۇرعان كەزدە باسىنا وق ءتيىپ، جاراقاتتاندى. اسكەري قىزمەتكەر شۇعىل تۇردە قالالىق اۋرۋحاناعا جەتكىزىلدى، وكىنىشكە قاراي، قابىلدانعان شارالارعا قاراماستان ونى قۇتقارۋ مۇمكىن بولمادى. ساعات 02.20-دا ساربازدىڭ ءولىمى تىركەلدى، - دەپ حابارلادى قر ۇلتتىق ۇلانىنىڭ "ورتالىق" وڭىرلىك قولباسشىلىعىنىڭ ءباسپاسوز قىزمەتى.
وڭىرلىك قولباسشىلىق قىزمەتتىك تەرگەۋ تاعايىنداعانى اتاپ وتىلەدى.

قايعىلى وقيعانىڭ سەبەپتەرى مەن سالدارى انىقتالۋدا.

مارقۇم 20 جاستا بولعان. جىگىت تۇركىستان وبلىسى ماقتاارال اۋدانىنان اسكەري بورىشىن وتەۋگە كەلگەن. مارقۇمنىڭ تۋىستارى ءوز-وزىنە قول جۇمساۋى ىقتيمال دەگەن دولبارعا سەنبەيدى.

باس قولباسشىلىق، ۇلتتىق ۇلاننىڭ "ورتالدىق" وڭىرلىك قولباسشىلىعى مارقۇم ساربازدىڭ وتباسى مەن جاقىندارىنا قايعىلارىنا ورتاقتاسا وتىرىپ، كوڭىل ايتادى.

“ادىرنا” ۇلتتىق پورتالى

پىكىرلەر
ۇقساس جاڭالىقتار