Soltüstık Qazaqstan oblysynyŋ tūrǧyny Danial Ǧalii äskeri boryşyn öteuge denı sau küiınde ketse, jarty jolda üiıne auyr dertpen oralǧan, dep habarlaidy "Adyrna" ūlttyq portaly İnformbiuroǧa sıltep.
Ūlttyq ūlannyŋ 6637 äskeri bölımınde qyzmet etken jas jıgıt äskerdegı artyq salmaqty jükteme men komandirlerdıŋ jauapsyzdyǧy qant diabetıne şaldyqtyruǧa sebep boldy dep esepteidı.
Danialdyŋ sözınşe, ol äskerde tört täulıkte bar bolǧany 20 saǧat qana ūiyqtaǧan. Üzdıksız küizelıs pen şarşau alǧaşqy belgılerdıŋ paida boluyna äkelgenımen, äskeri därıgerler onyŋ jaǧdaiyna der kezınde köŋıl bölmegen.
«Aiaǧym dırıldep tūrsa da, aitqanymdy elemedı. Alty ai boiy naqty diagnoz qoiylmady. Tūmau dep jürıp, jaǧdaiymdy asqyndyryp jıberdı», – deidı ol.
İnformbiuro mälımetınşe, jıgıt jarty jyl būryn merzımınen būryn üiıne jıberılgen. Sodan berı qant diabetımen küresıp, qyruar qarajatty därı-därmekke jūmsap keledı. Anasymen bırge äskeri bölım basşylyǧyn sotqa berıp, moraldyq şyǧyndy öteudı talap etude.
Anasy Dinara Ysqaqovanyŋ aituynşa, ūly äskeri qyzmetker boludy armandap, öz erkımen boryşyn öteuge attanǧan.
«Ūlym äskerge sau bardy, bıraq auru bolyp qaitty. Osy dertpen küresu üşın qanşa qarajat pen küş ketıp jatyr. Äskerilerdıŋ jauapsyzdyǧynan nege bız qinaluymyz kerek?», – deidı ol.
Al äskeri bölım basşylyǧy özderıne taǧylǧan aiyppen kelıspeidı. Medisinalyq jabdyqtar men mamandar jetıspeitının moiyndaǧanymen, sarbazǧa barlyq qajettı kömektı körsetkenderın aitady.
«Auruynyŋ asqynuyna bızdıŋ qatysymyz joq. Sarbazdarda ūiqy jetıspeidı degenmen kelıspeimın. Barlyǧy 8 saǧat demalady», – dedı "Ortalyq" öŋırlık qolbasşylyǧy medisinalyq basqarmasynyŋ bastyǧy Raşit Äbılmäjınov.
Aqmola garnizonynyŋ äskeri soty ata-ananyŋ talabyn ışınara qanaǧattandyryp, moraldyq şyǧyn mölşerın 300 myŋ teŋge dep belgıledı. Alaida būl şeşımge köŋılı tolmaǧan Danialdyŋ tuystary apelliasiiaǧa şaǧym tüsırmek.
