Aqtóbedegi áskerı bólimde qatarlasynyń jaǵyn syndyrǵan jaýyngerge qatysty qylmystyq is qozǵaldy. 18 jastaǵy sarbazdy óńirdegi áskerı garnızonnyń tártip saqshylary tergep jatyr, dep habarlaıdy «Adyrna» tilshisi «KTK»-ǵa silteme jasap.
Jábirlenýshi men ony soqqyǵa jyqqan jigit Aqtóbedegi artıllerııa jáne raketa bóliminde Otan aldyndaǵy boryshyn óteýde. Jyl basynda Aqtaýdaǵy bólimnen osynda aýystyrylypty. Kezekshilikte júrgen jaýyngerdi qatarlasy alǵashqyda túıip ótip, keıin bólek bólmege aparyp aıaýsyz soqqyǵa jyǵady. Basynan jaraqat alyp jaǵy synǵan sarbazǵa áskerı bólim basshylary der kezde kómek bermepti. Tek esinen tanǵan kezde ǵana gospıtalge emes, oblystyq aýrýhanaǵa jetkizgen. Onymen qoımaı, dárigerler tártip saqshylaryn shaqyrǵanda áskerı bólim basshylarynyń biri álsirep jatqan sarbazdy keri alyp ketpek bolady. Qazir áskerdegi álimjettikti jasyrmaq bolǵandarǵa qatysty tergeý júrip jatyr. Komandırlerge qandaı shara qoldanylatyny belgisiz. Óıtkeni ázirge tek qatarlasyn urǵan jaýyngerge is qozǵaldy.
«Osy oqıǵaǵa qatysty qylmystyq is qozǵaldy. Áskerı polıııa tergep jatyr. Jaraqat alǵan jaýynger Almaty qalasyndaǵy gospıtalde emdelip jatyr. Onyń sol jaǵy synyp, dárigeler operaııa jasaǵan. Qazir jaǵdaıy turaqty. Onyń áskerı boryshyn ótep, úıine qaıtýyna áli segiz aı bar»,—dedi 30238 áskerı bólimi komandıriniń orynbasary Rınat Sháripov.
