Özbekstannyŋ Qorǧanys ministrlıgı el aumaǧynda şeteldık äskeri bazalardy ornalastyrudyŋ mümkın emestıgın jariialady, dep habarlaidy "Adyrna" ūlttyq portaly Sputnik Täjıkstanǧa sılteme jasap.
Departamentte tüsındırılgendei, būl eldıŋ qorǧanys doktrinasynda jäne Konstitusiiasynda qarastyrylmaǧan.
«Qorǧanys salasyndaǧy ırgelı qūjattarda būl sūraqtarǧa naqty jauaptar bar. Onda aimaqqa şeteldık äskeri bazalar men nysandardy ornalastyruǧa jol berılmeidı delıngen», dedı Özbekstan qorǧanys ministrlıgınıŋ ökılı.Departament ökılı sonymen qatar Özbekstannyŋ qorǧanys salasyndaǧy saiasaty eldıŋ qaruly küşterınıŋ bıtımgerşılık operasiialaryna jäne şetelderdegı äskeri qaqtyǧystarǧa qatyspau qaǧidatyna negızdelgenın qosty. Būǧan deiın AQŞ Özbekstan men Täjıkstanǧa öz äskerın ornalastyruy mümkın ekenı jariialanǧan bolatyn. Būqaralyq aqparat qūraldarynyŋ habarlauynşa, bırqatar äskeri qyzmetkerler men AQŞ prezidentı Djo Baiden äkımşılıgınıŋ ökılderı Özbekstan men Täjıkstanǧa äskerlerdı ornalastyru eŋ jaqsy şeşım bolady dep sanaidy.
"Adyrna" ūlttyq portaly
Ūqsas jaŋalyqtar
