ULYLAR ÓMIRINEN

3536
Adyrna.kz Telegram

ULYLAR ÓMIRINEN
Degen eken:

1. Birde Vıktor Gıýgo Prýssııaǵa barady. Jandarm anketany toltyryp jatyp:
— Qandaı qyzmetpen aınalysasyz? — dep surady
— Jazamyn.
— Suraǵanym, Tabys kózińiz nede?
— Qalamda.
— Demek solaı jazaıyq: «Gıýgo. Qalam satýshy».

2. Esepke senbegen shyǵar
Aqyn, sazger Elena Ábdiqalyqova birde shyǵarmashylyq kezdesý barysynda, "Bes kún jalǵan dúnıe, dep nege aıtty eken" dep qalsa kerek. Sonda zalda otyrǵan áriptes aqyndardyń biri ile - shala:

- Jaryqtyq jumys kúninen tys - senbi, jeksenbini esepke almaǵan bolar, - dep topty dý kúldiripti.

3. Dat jazýshysy Gans Hrıstıan Andersen óziniń syrt kelbetine kóp mán berip qaramaıdy eken. Ol Kopengagenniń kóshelerinde eski qalpaq pen tozyǵy jetken jadaǵaıda jıi serýendeıdi eken.

Bir kúni ony kishkentaı bala toqtatyp, suraıdy:
— Aıtyńyzshy anaý basyńyzda turǵan kóriksiz zat qalpaq pa? -deıdi.
Jazýshy balaǵa qarap turyp:
— Al sizdiń sándi qalpaǵyńyzdyń astyndaǵy súıkimsiz zat bas pa? - dep jaýap bergen eken

4. Birde Aleksandr Dıýmadan tanymal synshynyń jerleý rásimin ótkizýine 5 frank aqsha suraıdy:
— Mine on frank alyńyz, alyńyz da — jáne taǵy bir synshyny jerleńizder, degen eken.

5. Birde dene bitimi aryqtaý kelgen Bernard Shoýǵa bir kisi:
— Sizge qarap, otbasyńyzdy ashtyqtan qınalyp jatyr eken dep oılap qalýǵa bolady depti
— Al sizge qarasam, osy náýbettiń sebepkeri ózińiz sııaqtysyz.

6. Qajymuqannyń qaljyńy
Balýan bir kúni kele jatyp batpaqqa batqan traktordyń ústinen shyǵady. Jurt jınalyp, áýre-sarsańǵa túsip jatyr eken deıdi. Qajekeńdi kómekke shaqyrady.
Sonda balýan beline arqan salady da «Áýp!» dep bir-eki yrǵap jiberip, traktordy sýyryp alady. Sonan soń belin jazyp, mańdaı terin súrtip turyp:
- Áli de bolsa qajyǵan traktordan Qajymuqan artyq eken-aý! - dep keńk-keńk kúlipti deıdi.

7. Bir jasy kelgen, kóriksiz áıelge bir jıynda Mark Tven onyń áli de sulý ári jas ekenin aıtyp komplıment jasaıdy.
— Al men sizge qarasam jaqsy komplıment aıtyp maqtaı almaıdy ekenmin, — depti hanym.
— Siz ótirik maqtaı salýyńyz kerek edi, men sııaqty, — degen eken Mark Tven.

8. Bernard Shoýdan bir kúni bir áıel:
— Nege qudaı áýeli Erkekti, keıin áıeldi jaratqan? - dep surapty.
— Sebebi erkekti jaratyp jatqanda, áıeldiń aqyl aıtyp mazalaǵanyn qalamaǵan shyǵar

9. Bernard Shoýdan bir áıel jaqsy jazýshy bolý úshin qalaı jazý kerek? - dep suraǵan eken. Shoý bylaı jaýap bergen eken:
— Soldan ońǵa qaraı.

10. Modnyı dorba
Aqyn Muzafar Álimbaev birde qolyna ala dorba ustap, kitap dúkeninen shyǵyp kele jatsa bir qalamger inisi kezdesip:
– Muzaǵa-aý, myna bir dorbańyz modnyı ǵoı, – depti. Sonda Muzafar:
– Bárekeldi, modnyı bolǵany úshin emes, godnyı bolǵany úshin ustap júrgen ǵoı, – degen eken.


Daıyndaǵan: Madııar MEŃDIBAI,

“Adyrna” ulttyq portaly

Pikirler