Belgili zańger, qorǵaýshy Abzal Quspan óziniń feısbýk paraqshasynda arnaıy baryp Álibımen jolyqqanyn, aldaǵy apta Álibıdiń isine qatysty málimdeme jasaıtynyn jetkizdi dep habarlaıdy "Adyrna" ulttyq portaly.
"Jolda uzaq júrgende, keı jerde jaǵdaıyń bolady, keı jerde tabyla bermeıdi. Keshe jaýyryn tusymnan shanshý qadalǵanyn anyq sezindim. Túske taman túshkirýim jıileı bastady, biraq, “Álibıge baramyn, jaǵdaıyn óz kózimmen kóremin”- degen ýáde bar, al ýáde qazaq úshin - qudaı sózi!
Sodan Almatydan Qyzylordaǵa ushyp shyqtym. Ushaqtan túse sala, Qyzylorda ýaqytymen 14.00-de Álibı jazasyn ótep jatyrǵan “ZKO 169/5” mekemesiniń aldynda turdym. Sóıtsem, olarda tústen keıin jumys 15.00-de bastalady eken, ishke kirýi bar, ishten Álibıdi “tabýdyń” týdyrǵan qıyndyǵy bar, sál ashý shaqyryp, aıqaıǵa salǵanym bar, Álibımen keshki 5-ten kete kezdesýdiń sáti túsip, 18.00-de shyqqanymda aýrýǵa álsizdik qosylyp, endi em almasam jaǵdaıymnyń nasharlaıtynyn tolyq sezindim.
... Sondyqtan da keshe saqtyq jasap Qyzylordadan Almatyǵa poıyzǵa bılet aldym. Barysymen Álibıge qatysty málimdeme jasaımyn dep otyrmyn. Negizi, keshe kolonııadan shyǵa sala sol jerde jasaımyn dep oılaǵam, oǵan densaýlyq jaǵdaıy bolmady, búgin-erteń senbi, ári poıyzda bolamyn, sondyqtan qudaı qalasa dúısenbi-jumys kúni dep otyrmyn!", — dedi qorǵaýshy (qorǵaýshynyń sózin esh ózgerissiz berip otyrmyz-red).
Aıta ketý kerek, buǵan deıin ınstagram paraqshasynda belgili ánshi Merýert Túsipbaeva Álibıge qatysty isti Abzal Quspan óz qolyna alatynyn aıtqan bolatyn.
"Adyrna" ulttyq portaly.
