Belgılı zaŋger, qorǧauşy Abzal Qūspan özınıŋ feisbuk paraqşasynda arnaiy baryp Älıbimen jolyqqanyn, aldaǧy apta Älıbidıŋ ısıne qatysty mälımdeme jasaitynyn jetkızdı dep habarlaidy "Adyrna" ūlttyq portaly.
"Jolda ūzaq jürgende, kei jerde jaǧdaiyŋ bolady, kei jerde tabyla bermeidı. Keşe jauyryn tūsymnan şanşu qadalǧanyn anyq sezındım. Tüske taman tüşkıruım jiılei bastady, bıraq, “Älıbige baramyn, jaǧdaiyn öz közımmen köremın”- degen uäde bar, al uäde qazaq üşın - qūdai sözı!
Sodan Almatydan Qyzylordaǧa ūşyp şyqtym. Ūşaqtan tüse sala, Qyzylorda uaqytymen 14.00-de Älıbi jazasyn ötep jatyrǧan “ZKO 169/5” mekemesınıŋ aldynda tūrdym. Söitsem, olarda tüsten keiın jūmys 15.00-de bastalady eken, ışke kıruı bar, ışten Älıbidı “tabudyŋ” tudyrǧan qiyndyǧy bar, säl aşu şaqyryp, aiqaiǧa salǧanym bar, Älıbimen keşkı 5-ten kete kezdesudıŋ sätı tüsıp, 18.00-de şyqqanymda auruǧa älsızdık qosylyp, endı em almasam jaǧdaiymnyŋ naşarlaitynyn tolyq sezındım.
... Sondyqtan da keşe saqtyq jasap Qyzylordadan Almatyǧa poiyzǧa bilet aldym. Barysymen Älıbige qatysty mälımdeme jasaimyn dep otyrmyn. Negızı, keşe koloniiadan şyǧa sala sol jerde jasaimyn dep oilaǧam, oǧan densaulyq jaǧdaiy bolmady, bügın-erteŋ senbı, ärı poiyzda bolamyn, sondyqtan qūdai qalasa düisenbı-jūmys künı dep otyrmyn!", — dedı qorǧauşy (qorǧauşynyŋ sözın eş özgerıssız berıp otyrmyz-red).
Aita ketu kerek, būǧan deiın instagram paraqşasynda belgılı änşı Meruert Tüsıpbaeva Älıbige qatysty ıstı Abzal Qūspan öz qolyna alatynyn aitqan bolatyn.
"Adyrna" ūlttyq portaly.
Ūqsas jaŋalyqtar
