10 kün ışındegı ekı qaza. Ministrlıktıŋ oqu ornyn tekseretını habarlandy

90
Adyrna.kz Telegram
https://adyrna.kz/storage/uploads/779GDSoiTIrKCvtdvD9W39qm2xwYFtFgm9YiFuDu.webp

Ǧylym jäne joǧary bılım ministrlıgı bır ai ışınde ekı bırınşı kurs studentı köz jūmǧannan keiın äl-Farabi atyndaǧy Qazaq ūlttyq universitetınde keşendı tekseru jürgızedı, dep habarlaidy "Adyrna". 

Ministrlıktıŋ mälımetınşe, universitetke arnaiy monitoring toby jıberıledı. Mamandar oqu ornyndaǧy qauıpsızdık talaptarynyŋ saqtaluyn, studenttermen jürgızıletın tärbie jäne psihologiialyq jūmystardyŋ jai-küiın tekseredı. Tekseru barysynda studentter arasyndaǧy janjaldardy anyqtau jäne aldyn alu tetıkterıne, olardyŋ ötınışterıne uaqytyly jauap beruge, sondai-aq psihologiialyq kömek körsetu mäselelerıne basymdyq berıledı.

Sonymen qatar Ǧylym jäne joǧary bılım ministrlıgı Almaty qalasynyŋ Jastar saiasaty basqarmasymen bırlesıp arnaiy jūmys tobyn qūrdy. Onyŋ qūramyna prokuratura, polisiia, Balalardyŋ qūqyqtaryn qorǧau basqarmasynyŋ ökılderı, psihologtar men qoǧam belsendılerı kırdı. Jūmys toby Almatydaǧy studentter jataqhanalaryn aralap, bılım aluşylarmen kezdesedı jäne tüsındıru, profilaktikalyq şaralaryn ötkızedı.

Tekseru qorytyndysy boiynşa studentterdıŋ qauıpsızdıgın küşeitu jäne bılım aluşylar arasyndaǧy qaqtyǧystardyŋ aldyn alu jönınde qosymşa şaralar äzırlenedı.

Būǧan deiın 6 qaraşa men 16 qaraşada QazŪU-dyŋ bırınşı kurs studentterınıŋ qaza tapqany belgılı boldy.

Pıkırler