Belgılı rejisser, Qazaqstannyŋ halyq artisı Talǧat Temenov: "Sataev filmnıŋ ssenariiın orysşa oqyǧan äielıne jazdyryp, ruhani qylmys jasady" - dep ärıptesı Aqan Sataevqa qatysty Hit-TV arnasynyŋ "Menıŋ ömırım" baǧdarlamasyna sūhbat berıp, öz oiymen bölıstı. Būl turaly "Adyrna" ūlttyq portaly habarlaidy.
Temenovtıŋ aituynşa, "Qazaqfilm" basşylary aldymen, öz jaǧdaiyn, qala berdı qasyndaǧy jaqyndarynyŋ jaǧdaiyn oilaityn jaǧdaiǧa jetken.
- Aqan Sataev, Jürgenovtı bıtırgen jıgıt, äkesın de, şeşesın de bılemın. Bıraq myna soŋǧy äielıne ssenariidı jazdyrypty. Qanşama ǧūlamalarymyz otyr. Sonyŋ qasynda orysşa bıtırıp, qazaqtyŋ bır auyz öleŋın jatqa bılmeitın, qazaqtyŋ bır jazuşysynyŋ kıtabyn töl nūsqada oqymaǧan adamnyŋ mūndai düniege baruy jäne oǧan bırneşe million gonorar aluy jantürşıgerlık jaŋalyq boldy men üşın. Būl - dūrys emes. Būl ūltty, eldı oilamaǧany. Qarahan basyn oilaǧan adam. Mūndai adamdar qazaqtyŋ basyna kün tusa, osynda qalyp, el qorǧaidy, jer qorǧaidy dep oilamaimyn, - dep pıkır bıldırdı Temenov."Tomiris" tarihi filmınıŋ ssenariiın Temenov te jazypty. Alaida Sataev ony qabyldamaq tügılı, qaraǧan da joq, dep aşyndy rejisser.
- Kino degen sezım, ol jürekke tiiuı kerek. Asqar Toqpanovtyŋ sözı bar, "erınnen şyqqan söz erınge, jürekten şyqqan söz jürekke jetedı" deidı. Jürekke timegen kinonyŋ qūny kök tiyn. Ärine, balalar, jasöspırımderge patriotizm dep ūrandatyp jatady. Basqa köretın kino bolmaǧandyqtan, soǧan aparamyz, - dep tüsındırdı Temenov.Sondai-aq, Temenov filmnıŋ siujetınde ketken qatelıktı atady. "Ülken qatelıgı, Tomiris Kirdıŋ basyn qanǧa malyp, özı şabady. Negızı qasyndaǧy adamǧa jasatu kerek edı. Būl - "Tomiristı" jazǧan Bolat Jandarbekov siiaqty ǧalymdardyŋ aldynda ruhani qylmys, qatelık", - dep mälımdedı Temenov.
"Adyrna" ūlttyq portaly
Ūqsas jaŋalyqtar
