Endı özıŋızdıŋ saqtandyru turaly aqparattyŋyzdy Halyk Homebank mobildı qosymşasynan oŋai jäne tez aluǧa bolady.
«Saqtandyru şarttary boiynşa mälımetter» jaŋa qyzmetı kölık qūralyna qoldanystaǧy polister turaly aqparatqa, sondai-aq klienttıŋ saqtandyru şarttary boiynşa esepterge qol jetkızudı ūsynady. Servistı «Memlekettık qyzmetter» - «Anyqtamalar» bölımınde paidalanuǧa bolady. Joba «Memlekettık kredittık biuro» AQ-tyŋ qoldauymen äzırlenıp, engızıldı.
Kölık qūralyna saqtandyru polisı turaly aqparat avtokölıktı saqtandyrudyŋ jaramdylyq merzımın baqylau üşın qajet, sonymen qatar jol polisiiasy qyzmetkerlerıne ūsynu qajet boluy mümkın.
Saqtandyru esebı «Ömırdı saqtandyru», «Turistı mındettı saqtandyru», «Jazataiym oqiǧalardan saqtandyru», sondai-aq saqtandyru jaǧdailarynyŋ tarihy boiynşa mälımetterdı qosa alǧanda, qoldanystaǧy jäne merzımı ötken saqtandyru şarttary boiynşa tolyq aqparat aluǧa kömektesedı.
«Qazaqstandyqtardy saqtandyru jäne kredit beru jönınde tegın esepterge qoljetımdılıkpen qamtamasyz etu «Memlekettık kredittık biuro» AQ-tyŋ strategiialyq mındetı bolyp tabylady. Osylaişa, bız el halqynyŋ qarjylyq sauattylyǧyn damytuǧa üles qosuǧa, sondai-aq alaiaqtyqqa qarsy tūruǧa tyrysamyz. Bügıngı taŋda tanymal Halyk Homebank mobildı qosymşasynda bızdıŋ servister bank klientterı üşın qoljetımdı boldy. Halyk komandasyna qoldauy men käsıbilıgı üşın alǧys bıldıremız», - dep «Memlekettık kredittık biuro» AQ Basqarma töraǧasynyŋ orynbasary Aidos Başirov atap öttı. «Memlekettık kredittık biuro» AQ-taǧy serıktestermen tyǧyz qarym-qatynas jasai otyryp, bız būl jobany bank naryǧynda bırınşı bolyp ıske asyrdyq. Būl Halyk Homebank qosymşasynyŋ klientterıne saqtandyru şarttary men saqtandyru jaǧdailarynyŋ tarihy turaly barlyq qajettı jäne paidaly aqparatty ielenuge mümkındık beredı. Bız jai bankten artyqpyz jäne sifrlyq ekojüiemızdı josparly türde damytudy jalǧastyra otyryp, klientterımızdıŋ igılıgı üşın otandyq memlekettık qyzmetter men qarjylyq qyzmetterdıŋ barlyq äleuetın barynşa paidalanuǧa tyrysamyz», - dedı Halyk Bank Basqarma töraǧasynyŋ orynbasary Nariman Mūqyşev.
"Adyrna" ūlttyq portaly
Ūqsas jaŋalyqtar
