Kaspi.kz Apple Pay qyzmetınıŋ ıske qosylǧanyn habarlaidy. Endı klientter älemnıŋ kez kelgen jerınde dükenderde, qosymşalarda jäne internette iPhone, Apple Watch, iPad jäne Mac qūrylǧylary arqyly tölem jasai alady.
Kaspi.kz basşysy ärı negızın qalauşylardyŋ bırı Mihail Lomtadze:
«Apple Pay-dı qosu – süiıktı klientterımızden eŋ jiı tüsken ötınışterdıŋ bırı boldy. Köptegen klientter Kaspi Gold kartasyn Apple Pay-ge qosyp, äsırese şetelde iPhone nemese Apple Watch arqyly tölem jasaǧysy keldı.
Bız endı būl mümkındıktıŋ Kaspi.kz superqosymşasynda qoljetımdı bolǧanyna quanyştymyz. Bızdıŋ maqsatymyz – Kaspi Gold kartasyn kez kelgen jaǧdaida: Qazaqstanda, saparda, dükenderde, qosymşalarda jäne internette odan da yŋǧaily etu.
Bızdı süiıktı klientterımızge bızben bırge bolǧandary üşın raqmet!» - dedı.
Apple Pay bailanyssyz tölem qabyldanatyn barlyq jerde jūmys ısteidı: supermarketterde, därıhanalarda, meiramhanalarda, kofehanalarda, dükenderde jäne basqa da sauda oryndarynda. Tölem jasau üşın iPhone nemese Apple Watch qūrylǧysynyŋ büiırdegı batyrmasyn ekı ret basyp, Face ID, Touch ID nemese qūrylǧynyŋ qūpiiasözı arqyly rastau jasap, qūrylǧyny POS-terminalǧa jaqyndatu jetkılıktı.
Kaspi Gold kartasyn Apple Pay-ge tıkelei Kaspi.kz superqosymşasy arqyly qosuǧa bolady. Sondai-aq klientter iPhone qūrylǧysyndaǧy Wallet qosymşasyn aşyp, «+» batyrmasyn basyp, ekrandaǧy nūsqaulardy oryndai alady. Kaspi Gold kartasy iPhone, Apple Watch, iPad nemese Mac qūrylǧysyna qosylǧannan keiın Apple Pay qyzmetın bırden paidalanuǧa bolady.
