Halyk Bank basqarmasy ekı jaŋa müşemen tolyqty. Olardyŋ bırı — Qazaqstandaǧy esırtkı qylmysyna qarsy kürestıŋ būrynǧy basşysy, polisiianyŋ general-maiory Tılegen Matkenov. Ekınşısı — “Kazteleport” AQ direktorlar keŋesınıŋ müşesı Andrei Zavarzin, dep habarlaidy “Adyrna” ūlttyq portaly Orda.kz-ke sıltep.
KASE saitynda 13 nauryzda jariialanǧan qūjatqa säikes, bank basqarmasynyŋ qūramy toǧyz adamǧa deiın keŋeitılgen. Tılegen Matkenov qauıpsızdık mäselelerıne jauap berse, Andrei Zavarzin IT baǧyty men innovasiialardy qadaǧalaityn bolady.
Būl şeşım Pavlodardaǧy Halyk Bank bölımşesın tonau oqiǧasynan keiın qabyldanǧan. Oqiǧadan keiın Ūlttyq bank eldegı barlyq qarjy mekemelerı üşın qauıpsızdık şaralaryn küşeituge tapsyrma bergen edı.
General-maior Tılegen Matkenov – ışkı ıster ministrlıgınıŋ eŋbek sıŋırgen qyzmetkerı. Ol Aqmola (2009–2012), Qostanai (2012–2016), Jambyl (2016–2018) oblystarynyŋ ışkı ıster departamentterın basqarǧan. 2019–2022 jyldary IIM esırtkı qylmysyna qarsy ıs-qimyl departamentınıŋ bastyǧy boldy.
Matkenov būǧan deiın bırneşe dauly oqiǧalarǧa bailanysty atalǧan. 2012 jyly Qostanaida onyŋ tūrǧan taunhausy tonalǧany turaly aqparat taraǧan. Sondai-aq, 2022 jyly Qarjy monitoringı agenttıgı zaŋsyz mainingke qarsy küres esebınde onyŋ aty-jönı atalǧan. Agenttık “Matkenovpen bailanysy bar kompaniialar zaŋsyz mainingpen ainalysqan” dep mälımdegen.
Halyk Bank-tıŋ jaŋa top-menedjerlerınıŋ bırı Andrei Zavarzin IT jäne innovasiialar baǧytyn qadaǧalaidy. Ol “Kazteleport” AQ direktorlar keŋesınıŋ müşesı jäne Qazaqstannyŋ telekommunikasiia salasynda täjıribesı mol maman.
Halyk Bank basqarmasynyŋ keŋeiuı qarjy ūiymynyŋ qauıpsızdık şaralaryn küşeitıp, IT-sektordaǧy innovasiialardy damytuǧa baǧyttalǧan qadam retınde qarastyrylyp otyr.
Ūqsas jaŋalyqtar
