28 jyl buryn qoqystan tabylǵan bala: Anamdy kórý armanym

5923
Adyrna.kz Telegram

Osydan 28 jyl buryn týǵan anasy qoqysqa tastap ketken er azamat, jýrnalıst Gúlmıra Ábiqaıǵa bıologııalyq anasyn tabýǵa kómek surap hat joldapty, dep habarlaıdy “Adyrna” ulttyq portaly.

Hat joldaýyna sebep bolǵan oqıǵa -  bir kún buryn Atyraý oblysy Inder aýdanynda 30 jastaǵy kelinshek balasyn ájethanaǵa tastap ketken edi. Náresteniń densaýlyǵy jaqsy, aman-saý.

1993 jylǵy azamat osy jańalyqty estı salysymen, Gúlmıra Ábiqaıǵa “týǵan anamdy tapqym keledi” dep hat joldaǵan.

“Kóp adam osyndaı týaletke tastaǵan, mýsorǵa laqtyrǵan balalardyń ómiri ary qaraı ne bolady dep oılaıtyn shyǵar?! Sonyń biri Men ózimmin…

28 jyl buryn, Oral qalasynda meni týǵan anam mýsorǵa laqtyryp ketipti. Kóp uzamaı sol jerden ótip bara jatqan jaqsy adamdar qyńsylaǵan daýsymdy estip taýyp alyp aýylǵa ákepti. Ol kezde polıııaǵa aıtý, qujat rásimdeý joq bolsa kerek meni 13 jyl bala kótermegen kórshileriniń etegine salypty. Sol kisilerdi anam-ákem dep óstim.

Táýbá, esh nárseden taryqpadym, adam boldym, oqydym, óstim. Asyrap alǵan ata-anam ómirden ótti. Sol kezde baıaǵyda meni taýyp alǵan kórshilerim aqıqatty aıtyp, qolyma bırka tabystady: Ismagýlova Roza

01.05.1993, malchık

dep jazylypty.

Qazir ózim úılendim, 3 balam bar, áskerı ofıermin. Degenmen, týǵan anaǵa degen saǵynysh, ony tabý , bir kórý armanym!

Ony Siz oryndaıtynyńyzǵa senemin. Anama esh ókpem joq, tiri bolsa kórgim keledi, Balalarym tegin bilse deımin, bar armanym týǵan Anamdy bir kórý”,- degen hat ıesi.

Jazba astyna jarııalanǵan pikir sanynda shek joq. Kóbi “sol kezde tastap ketken adam qazir seni qabyldamaıdy, tynysh ómirińdi qurtpa” dep jazǵan.

Esterińizge sala ketsek, Atyraý oblysy polıııa departamentiniń baspasóz qyzmetiniń málimeti boıynsha, bala týyp, ony kóshe dárethanasynda qaldyrǵan áıeldiń jeke basy anyqtaldy.

"3 qazan kúni Inder aýdanynda balasyn dárethanaǵa tastap ketken kúdikti anyqtaldy. Bala dárigerlerdiń baqylaýyna alyndy. Qazir sotqa deıingi tergeý júrip jatyr. Basqa aqparat QR Qylmystyq-proestik kodeksiniń 201-babyna sáıkes jarııalaýǵa jatpaıdy", - dep habarlady departamenttiń baspasóz qyzmeti ókilderi.

“Adyrna” ulttyq portaly

Pikirler