Atyraudan Aqtöbege baǧyt alǧan jolauşylar poiyzynda biletsız mıngen er adamnyŋ jol üstınde kenetten qaitys boluyna bailanysty qyzmettık tekserıs jürgızılıp, onyŋ qorytyndysy boiynşa poiyz bastyǧy men ekı jolserık jūmystan şyǧaryldy, dep habarlaidy “Adyrna” ūlttyq portaly Kazinform-ǧa sıltep.
«Jolauşylar tasymaly» kompaniiasynyŋ mälımetınşe, qaiǧyly oqiǧa 2026 jylǧy 13 şıldede №691/692 jolauşylar poiyzy Qandyaǧaş–Aqtöbe uchaskesınde qozǧalyp kele jatqan kezde bolǧan.
Poiyz bastyǧynyŋ raportynda marqūmnyŋ jol jüru biletı bolmaǧany körsetılgen. Tergeu barysynda onyŋ vagonǧa jolserıktıŋ zaŋsyz kırgızuı arqyly otyrǧany anyqtalǧan.
Kompaniianyŋ habarlauynşa, oqiǧa bolǧan vagon 2023 jyly şyǧarylǧan. Vagondaǧy kondisioner qalypty rejimde jūmys ıstep tūrǧan, al ışkı temperatura belgılengen talaptarǧa tolyq säikes bolǧan.
Poiyz Aqtöbe stansiiasyna kelgennen keiın marqūmnyŋ denesı tiıstı prosessualdyq şaralardy jürgızu üşın qūzyrly organdarǧa tapsyryldy.
Oqiǧa bolǧan künı tasymaldauşynyŋ «Batys» filialy ışkı qyzmettık tekseru ūiymdastyrdy. Nätijesınde ekı jolserık pen poiyz bastyǧy qyzmetınen bosatyldy. Sonymen qatar, Aqtöbe uchaskesınıŋ bastyǧy men öndırıstık oqytu nūsqauşysyna qataŋ sögıs berıldı.
Qazırgı uaqytta atalǧan derek boiynşa Aqtöbe stansiiasyndaǧy jelılık polisiia bölımı qylmystyq ıs qozǧap, tergeu jūmystaryn jürgızıp jatyr.
Aldyn ala mälımet boiynşa, er adamnyŋ ölımıne ekıjaqty pnevmoniia sebep bolǧan. Qūqyq qorǧau organdary QR Qylmystyq-prosestık kodeksınıŋ 201-babyna säikes, tergeu müddesıne bailanysty özge mälımetterdıŋ jariialanbaitynyn mälımdedı.
