Búgin Halyqaralyq balalardy qorǵaý kúnine oraı elimizdiń barlyq óńirinen kelgen 70-ke jýyq oqýshyǵa «Aqorda» rezıdenııasynda ekskýrsııa uıymdastyryldy. Bul týraly Aqordanyń baspasóz qyzmeti jarııalady, dep habarlaıdy “Adyrna” ulttyq portaly.
Rezıdenııaǵa kirgen balalar arasynda halyqaralyq jáne respýblıkalyq olımpıadalardyń jeńimpazdary, oqý úzdikteri bar. Sonyń ishinde Astana qalasynyń turǵyny, 1-synyp oqýshysy Asyltas Saıadil Aqordany aralap kórgisi keletinin aıtyp, memleket basshysy Qasym-Jomart Toqaevtyń atyna hat jazǵan bolatyn.
Atalǵan is-shara aıasynda oqýshylar rezıdenııanyń birinshi qabatyndaǵy Ortalyq saltanatty holl men resmı qabyldaýlar ótkizýge arnalǵan «Saltanat» zalyn, túrli jıyndar ótetin «Shyǵys», «Mramor», «Altyn» «Doǵal» jáne basqa da kelissózder zaldaryn tamashalady, sondaı-aq kitaphanany aralap kórdi. Oqýshylar ǵımarat týraly qyzyqty derektermen tanysty.
