Atyrauda tört ailyq balasyn pyşaqtap öltırgen bezbüirek ana sot aldynda jauap bere bastady. Sot saraptamalyq zertteu nätijesınde qatygez kelınşek säbiın 38 jerden pyşaqtaǧany anyqtaldy, dep habarlaidy “Adyrna” ūlttyq portaly KTK jaŋalyqtaryna sılteme jasap.
Al küdıktınıŋ küieuı: «Äielım bosanǧan soŋ psihikalyq auytqu baiqaldy» deidı. Tıptı säbiı jylaǧan kezde közıne eles körınetının jiı aitqan. Äielın emşıge körsetkenımen, dertıne daua tappapty.
"Närestenıŋ ölımı jürek qabyǧyn jaraqattauymen, oŋ jaq qabyqşasyn jaryp ötken. Keudesın tesıp ötken. Ölım – tüirep tesılgen jaraqat saldarynan, jürektıŋ qansyrauynan bolǧany anyqtaldy", - deidı prokuror Nūrbolat Äbılov.Bes ai boiy tergelgen küdıktı bügıngı sot otyrysyna qatysa almady. Öitkenı 42 jastaǧy äiel psihologiialyq dispanserde qataŋ baqylauda jatyr. Ondaǧy mamandar äieldıŋ diagnozyn sot otyrysy aiaqtalǧanşa aituy tiıs. Därıgerler osy künge deiın nauqastyŋ bauyr etı – balasyn ızdep nemese ötken ıske ökıngen äreketın baiqamaǧan. «Bıraq jaǧdaiy äzırge tūraqty» - deidı aq halattylar. Säuır aiynda Köptoǧai auylynyŋ tūrǧyny tört ailyq säbiın üiınde pyşaqtap öltırgen. Ol joldasy audan ortalyǧyna ketkende osyndai qylmysqa barypty.
"Qazır ol äiel sot şeşımımen tamyzdyŋ 20-synan berı bızde emdelude. Onyŋ diagnozy äzırge därıgerlık qūpiia bolyp sanalǧandyqtan, aita almaimyn. Bıraq jüike-jüiesınde auytqu bary jasyryn emes. Sot şeşımı şyqsa, nauqas äieldı Almatyǧa emge jıberuımız mümkın. Äzırge baqylauda ūstap otyrmyz", - deidı Atyrau oblysy psihikalyq densaulyq ortalyǧy direktorynyŋ orynbasary Damir Qojamtaev.
Ūqsas jaŋalyqtar
