Qala şetındegı şaǧynaudandardy damytu boiynşa köşpelı jiyn jalǧasyn tabuda. Būl joly qala äkımı Mūrat Äitenovtıŋ «Tūran» şaǧynaudanyna atbasyn būrdy. Jiynda şaǧynaudandy kögaldandyru, tūrǧyn üidı paidalanuǧa beru jäne jol qūrylysy mäselerı talqylandy.
Öz sözın, qala halqynyŋ laiyqty ömır süruıne jaǧdai jasau qajettılıgınen bastaǧan şahar basşysy Mūrat äitenov eŋ aldymen infraqūrylymmen qamtamasyz etu ısın jüielendırudı qolǧa aludy atap öttı. Sondai-aq, sapaly tūrǧyn üi salu, sonymen bırge gaz, auyz su, sapaly elektr jaryǧy, jol men abattandyru jäne kögaldandyru mäselelerın retke keltıruımız kerek, dedı.
Köşpelı jiynda «Tūran» şaǧynaudanynyŋ damu josparyna säikes, 14 orammen - 24 oram aralyǧyndaǧy tūrǧyn üi jäne äleumettık nysandar, saiabaqtar qūrylysy, sonymen qatar, 25 oram men 29 oramdardyŋ aralyǧyndaǧy injenerlık jüielerdıŋ qūrylys jūmystary men jol mäselesınıŋ barysy pysyqtaldy. Bügınde şaǧynaudannyŋ 13 köşesınde qūrylys jūmystary jürgızılude. Jobaǧa säikes, jaiau jürgınşılerge arnalǧan aiaqjol, velojol jäne avtomobil joldardyŋ syzbalary engızılgen. №1,2,6,7,8,10 köşelerdıŋ qūrylys jūmystaryn jyl soŋyna deiın aiaqtau josparlansa, 3,4,5,9,11,12,13 köşelerdıŋ qūrylys jūmystary 2022 jylǧa ötpelı. Sondai-aq, şaǧynaudandy mektepke baratyn jolmen qamtamasyz etu boiynşa jalpy ūzyndyǧy 908 m, enı 6 m jolǧa 2 qabatty asfalt töseu jobalanǧan.
Kezektı köşpelı jiyndy qorytyndylaǧan qala äkımı Mūrat Äitenov salalyq basqarmalarǧa qūrylys jūmystarynyŋ kestege sai öz uaqytynda sapaly atqaryluyn qadap tūryp tapsyrdy. Sondai-aq, ärbır merdıger mekemege qūrylys jūmystarynyŋ barysynda qauıpsızdık şaralaryna mūqiiat bolu jaǧy qaita-qaita eskertıldı.
G. Asqarqyzy
