Qala shetindegi shaǵynaýdandardy damytý boıynsha kóshpeli jıyn jalǵasyn tabýda. Bul joly qala ákimi Murat Áıtenovtiń «Turan» shaǵynaýdanyna atbasyn burdy. Jıynda shaǵynaýdandy kógaldandyrý, turǵyn úıdi paıdalanýǵa berý jáne jol qurylysy máseleri talqylandy.
Óz sózin, qala halqynyń laıyqty ómir súrýine jaǵdaı jasaý qajettiliginen bastaǵan shahar basshysy Murat áıtenov eń aldymen ınfraqurylymmen qamtamasyz etý isin júıelendirýdi qolǵa alýdy atap ótti. Sondaı-aq, sapaly turǵyn úı salý, sonymen birge gaz, aýyz sý, sapaly elektr jaryǵy, jol men abattandyrý jáne kógaldandyrý máselelerin retke keltirýimiz kerek, dedi.
Kóshpeli jıynda «Turan» shaǵynaýdanynyń damý josparyna sáıkes, 14 orammen - 24 oram aralyǵyndaǵy turǵyn úı jáne áleýmettik nysandar, saıabaqtar qurylysy, sonymen qatar, 25 oram men 29 oramdardyń aralyǵyndaǵy ınjenerlik júıelerdiń qurylys jumystary men jol máselesiniń barysy pysyqtaldy. Búginde shaǵynaýdannyń 13 kóshesinde qurylys jumystary júrgizilýde. Jobaǵa sáıkes, jaıaý júrginshilerge arnalǵan aıaqjol, velojol jáne avtomobıl joldardyń syzbalary engizilgen. №1,2,6,7,8,10 kóshelerdiń qurylys jumystaryn jyl sońyna deıin aıaqtaý josparlansa, 3,4,5,9,11,12,13 kóshelerdiń qurylys jumystary 2022 jylǵa ótpeli. Sondaı-aq, shaǵynaýdandy mektepke baratyn jolmen qamtamasyz etý boıynsha jalpy uzyndyǵy 908 m, eni 6 m jolǵa 2 qabatty asfalt tóseý jobalanǵan.
Kezekti kóshpeli jıyndy qorytyndylaǵan qala ákimi Murat Áıtenov salalyq basqarmalarǵa qurylys jumystarynyń kestege saı óz ýaqytynda sapaly atqarylýyn qadap turyp tapsyrdy. Sondaı-aq, árbir merdiger mekemege qurylys jumystarynyń barysynda qaýipsizdik sharalaryna muqııat bolý jaǵy qaıta-qaıta eskertildi.
G. Asqarqyzy
