Bügın Şymkent qalasy äkımdıgınde jūmysşy mamandyq ielerın marapattauǧa arnalǧan saltanatty jiyn öttı. Is-şaraǧa qala äkımı Ǧabit Äbdımäjitūly Syzdyqbekov qatysyp, şahardyŋ damuyna eleulı üles qosyp jürgen türlı sala ökılderıne alǧys bıldırdı.
Kündelıktı közge köp körıne bermegenımen, qalanyŋ tynys-tırşılıgıne tıkelei yqpal etetın jūmysşy mamandyq ielerınıŋ eŋbegı orasan. Qala tazalyǧy, körkeitu-kögaldandyru, kommunaldyq qyzmet, jol, jaryq jäne abattandyru salalarynda tabandy eŋbek etıp jürgen azamattar qala äkımınıŋ arnaiy qabyldauynda boldy.
Kezdesu barysynda qala basşysy ärbır eŋbek adamymen jeke sūhbattasyp, olardyŋ ūsynys-pıkırlerın tyŋdady. Erkın formatta ötken jiynda jūmysşylardyŋ kündelıktı qyzmetı, saladaǧy özektı mäseleler men aldaǧy josparlar talqylandy.
— Qalanyŋ körkeiuı men tūrǧyndardyŋ jaily ömır süruı – sızderdıŋ maŋdai terlerıŋızdıŋ jemısı. Sızder atqaryp jürgen eŋbek qaşanda qūrmetke laiyq. Jūmysşy mamandyqtary tek bır jyl aiasynda ǧana emes, ärdaiym qoǧamnyŋ basty tıregı bolyp qala beredı, – dedı qala äkımı.
Sondai-aq Ǧabit Syzdyqbekov eŋbek adamdaryn aldaǧy Jaŋa jyl merekesımen qūttyqtap, zor densaulyq, otbasylaryna amandyq, eŋbekterıne tolaǧai tabys tıledı.
Jiyn soŋynda marapat ielerı körsetılgen qūrmetke rizaşylyqtaryn bıldırıp, el igılıgı jolyndaǧy eŋbekterın odan ärı jalǧastyra beretınderın atap öttı.
Eŋbek adamyn ūlyqtau – qoǧamnyŋ tūraqty damuy men örkendeuınıŋ kepılı. Osyndai taǧylymdy kezdesuler jūmysşy mamandyqtarynyŋ bedelın arttyryp, olardyŋ qoǧamdaǧy maŋyzyn aiqyndai tüsetını sözsız.
