Badam özenınıŋ jaǧalauyndaǧy jaǧdai tūraqty. Eşqandai tasqyn qaupı joq. Būl turaly Şymkent qalasy äkımdıgınıŋ baspasöz qyzmetı mälımdedı, dep habarlaidy "Adyrna".
Köktem mezgılınde su deŋgeiı jiı köterıletın özennıŋ tasqyn qaupın azaitu üşın ötken jyly 5,3 şaqyrym jaǧalau bekıtılıp, jeltoqsan aiynda tolyq aiaqtalǧan bolatyn. Būl jūmysqa 2,7 milliard teŋge teŋge bölıngen.
Qalalyq jaily ortany damytu basqarmasynyŋ mälımetınşe, İgılık, Jaŋatalap jäne Kökbūlaq eldı mekenderınıŋ tūsynda özen arnasy rettelıp, jaǧalauy betondalǧan. Alaida belgısız tūlǧalar özen arnasynan zaŋsyz tas qazyp alyp, gidrotehnikalyq qūrylysqa ziian keltırgen.
"Zaŋsyz äreketter saldarynan beton bögettıŋ şamamen 40 metrı bülındı. Qazır qūqyq qorǧau organdary kınälılerdı anyqtau jūmystaryn jürgızıp jatyr, — dedı basqarma basşysy Äbılqaiyr Oŋǧar.
Mamandardyŋ aituynşa, zaqymdanǧan bölıgı merdıger kompaniia esebınen qalpyna keltırıledı. Jobanyŋ kepıldık merzımı 7 jyldy qūraidy.
