2025 jylǧy 2 tamyzda Şymkent qalasynda jalpy qalalyq senbılık ötıp, oǧan 11 myŋnan astam adam, onyŋ ışınde 28 jasqa deiıngı 4 myŋnan astam jas qatysty. Qala köşelerın tazalauǧa audan äkımdıkterınıŋ qyzmetkerlerı, qalalyq basqarmalar, erıktıler, tūrǧyndar men qoǧam belsendılerı şyqty. 215 arnaiy tehnika jūmyldyrylyp, 160 tonnadan astam qoqys şyǧaryldy.
Senbılık barysynda:
• 57 şaqyrym jol jiegı,
• 43 şaqyrym jaiau jürgınşı joly,
• 38 şaqyrym irrigasiialyq aryq jüiesı tazalandy.
Sondai-aq, özen arnalary men jaǧalaulary qoqystan tazartylyp, şöp şabylyp, quraǧan būtalar kesıldı.
«Mūndai şaralardyŋ basty maqsaty – aptasyna bır ret tazalyq ūiymdastyru ǧana emes, adamdardyŋ ainalaǧa degen közqarasyn özgertu. Qoqys tastamauǧa daǧdylandyru. Kündelıktı ömırde, köşede, tabiǧat aiasynda tazalyq mädenietın qalyptastyru», – deidı ūiymdastyruşylar.
Senbılıkter «Taza Qazaqstan» aksiiasy aiasynda ötkızılıp keledı. Būl aksiia nauryz aiynda bastalyp, jyl soŋyna deiın apta saiyn jalǧasady.
Eske sala keteiık, Şymkent qalasynda 2029 jylǧa deiıngı ūzaq merzımdı jospar qabyldanǧan. Jospar aiasynda «Taza aula», «World clean-up» sekıldı aqparattyq-aǧartuşylyq bastamalar, kögaldandyru, abattandyru jäne tūrǧyndardyŋ ekologiialyq mädenietın qalyptastyru baǧytyndaǧy tūraqty jūmystar qarastyrylǧan.
Qalalyq äkımdık barlyq tūrǧyndardy belsendı atsalysuǧa şaqyrady: taza Şymkent – barşamyzdyŋ ortaq jauapkerşılıgımız.
Ūqsas jaŋalyqtar
