Imanbek ózine eskertkish ornatý týraly: Bul menmendiktiń shyńy jáne ózin-ózi asyra baǵalaý!

1271

Grammy syılyǵynyń ıegeri, qazaqstandyq mýzykant Imanbek Zeıkenov Aqsý qalasynda eskertkish ornatý ıdeıasyna qatysty óz pikirin bildirdi, dep habarlaıdy "Adyrna" ulttyq portaly. 

BAQ-ta Imanbekke eskertkish ornatqaly jatqany týraly aqparat taraǵan bolatyn. Mýzykant buǵan qatysty  óz  pikirin Instagram-da tikeleı efırde aıtty.

Onyı aıtýynsha, bir aı buryn oǵan jergilikti ákimdikten qońyraý shalyp, Aqsý qalasyna onyń bedeldi mýzykalyq baıqaýdaǵy jeńisine oraı grammofon músinin ornatý týraly oıyn suraǵan.

- Eger sizderge qıyn bolmasa qoıyńyzdar. Keremet ıdeıa. Al negizinde maǵan báribir, —deıdi Imanbek.

Odan bólek Imanbek sońǵy ýaqytta syn-pikirdiń astynda qalǵanyn jetkizdi. Sondyqtan ony toqtatý úshin tikeleı efırge shyqqan.

- Eger maǵan eskertkish ornatsa, shynymen óte uıat bolady. Bul menmendiktiń shyńy jáne ózin-ózi asyra baǵalaý, —dedi dıdjeı.

Eske sala keteıik, Imanbek Zeıkenov 2021 jyldyń naýryz aıynda «Roses» ánine jasaǵan remıksi úshin álemdik «Gremmı» syılyǵyn jeńip aldy. Ol TMD elderi arasynda bul syılyqty ıelengen alǵashqy adam.

"Adyrna" ulttyq portaly

Pikirler
Uqsas jańalyqtar