Qyzmettık boryşyn öteu kezınde qaza tapqan feldşer, marqūm Ūldana Myrzuan tuǧan üige eskertkış taqta ornatyldy, dep habarlaidy "Adyrna".
Qosşy äkımdıgınıŋ mälımetınşe, 31 qaŋtar – Ūldana Myrzuannyŋ tuǧan künı.
Marqūmnyŋ tuǧan künınde ol tūrǧan üidıŋ aulasyna jinalǧan qauym feldşerdıŋ jarqyn beinesın, el esınde qalǧan eŋbegın jäne adamdyq asyl qasietterın taǧy bır märte eske aldy.
Qosşy qalasynda feldşer tūrǧan üidıŋ qabyrǧasyna eskertkış taqta ornatyldy.
Qala äkımdıgınıŋ mälımetınşe, Ūldana Qaldarhanqyzy qysqa ǧūmyrynda käsıbıne adaldyqtyŋ, adam ömırı üşın kürestegı batyldyq pen janqiiarlyqtyŋ ülgısın körsettı. Onyŋ erlıgı – keiıngı ūrpaqqa önege.
"Ornatylǧan eskertkış taqta – ötkenge taǧzym men erlıkke qūrmettıŋ belgısı. Būl elge adal qyzmet etken azamattardyŋ esımı ūmytylmaitynyn körsetetın taǧylymdy qadam", – delıngen äkımdık habarlamasynda.
