Semeıde oıshyl, aqyn, aýdarmashy, kompozıtor Shákárim Qudaıberdiulynyń eskertkishi ashyldy. Sharaǵa oblys ákimi Nurlan Uranhaev, oblystyq máslıhat tóraǵasy Shalqar Baıbekov, depýtattar, ǵalymdar, abaıtanýshylar, qoǵam belsendileri men oblys turǵyndary qatysty.
Shákárim Qudaıberdiulyna arnalǵan eskertkishtiń uzyndyǵy - tuǵyrymen qosa alǵanda 7,7 metr. «Shákárim Qudaıberdiuly» atty músindik kompozıııasy qoladan quıylyp, tuǵyry tutas granıtten jasalǵan. Bul kompozıııa arqyly músinshi Shákárimniń danyshpan beınesin oń qolyna kitap, sol qolyna tasbıh ustatý arqyly beınelep kórsetti. Eskertkish avtory – Nurbol Qalıev. Óner týyndysy Shákárim dańǵyly men Qabanbaı batyr kóshesiniń qıylysyna qoıyldy.
Eskertkishtiń ashylýyna oraı Qazaqstan Respýblıkasynyń Prezıdenti Qasym-Jomart Toqaev quttyqtaý hat joldady. Hatty saltanatty sharada oblys ákimi Nurlan Uranhaev oqyp berdi.
Shákárim Qudaıberdiulynyń ádebı murasy asa baı. Ol poezııa, proza, aýdarma, tarıh salasynda jumys istep, Abaı dástúrinde demokrattyq-halyqtyq, gýmanıstik-halyqtyq baǵyt ustanǵan. Onyń shyǵarmashylyǵy qazaq ádebıetinde Abaı ıdeıalaryn jalǵastyrýshy realıstik dástúrdi qalyptastyrdy. Onyń murasynyń tek qazaq halqy úshin ǵana emes, búkil túrki jáne shyǵys mádenıeti úshin mańyzy zor.
1917 jyly jeltoqsanda Alashorda úkimeti qurylyp, qazaq jerinde saıası ózgerister shuǵyl júzege asa bastaǵan shaqta Shákárim Qudaıberdiuly oblystyq sottyń músheliligine jáne Semeı ýezdik zemstvosynyń músheligine saılandy. 1917 jylǵy jeltoqsanda Orynborda ótken ekinshi jalpyqazaq sezine arnaıy shaqyrylǵan. Shákárim Alashorda úkimetiniń qazysy, ıaǵnı bıi bolyp saılanǵan.
