Búgin qazaq teledıdarynyń ardageri, belgili dıktor, KSRO telerdıosynyń úzdigi Tynys Ótebaevtyń týǵanyna 80 jyl toldy.
Tynys Shyndáýletuly 1944 jyly 14 naýryzda búginde Ózbekstanǵa qarap ketken Joǵary Shyrshyq aýdany, Kıik ata aýylynda dúnıege kelgen.
Qazyǵurt aýdany ortalyǵyndaǵy 7 jyldyq mektepti, Tashkent elektrmehanıka tehnıkýmyn (1961), Tashkenttegi orys tili jáne ádebıeti ınstıtýtyn (1971) bitirgen.
Eńbek jolyn Tashkent traktor jasaý zavotynda tehnık-elektrık bolyp bastaǵan. 1963-66 jyldary Keńes Armııasy qatarynda áskerı boryshyn ótedi.
1967 jyly Ózbek radıosynda dıktor bolyp tuńǵysh qazaq baǵdarlamasy «Zamandasty» ashýǵa atsalysty. Keıin ózbek teledıdaryna aýysty. 1971 jyldan «Qazaqstan» teleradıo-komıtetinde dıktor, bas redaktor, dırektor, komıtet tóraǵasynyń birinshi orynbasary qyzmetterin atqardy.
Sondaı-aq, Qazaqstan Jýrnalıster odaǵy syılyǵynyń laýreaty (1989), KSRO teleradıosynyń úzdigi.
73 jyl jasaǵan Tynys Ótebaev 2017 jyly qaıtys boldy.
