Radikaldy «Taliban» qozǧalysynyŋ ökılderı Auǧanstannyŋ Mazari-Şarif qalasyndaǧy ūly aqyn Älışer Nauaige arnalǧan eskertkıştıŋ tolyqtai joiylǧanyn Özbekstan syrtqy ıster ministrlıgıne rastady. Auǧan bilıgı būl jaǧdaiǧa ökınış bıldırıp, ūly oişylǧa jaŋa eskertkış ornatuǧa uäde bergen. Būl turaly Özbekstan SIM baspasöz hatşysy Ahror Burhanov özınıŋ Telegram-arnasynda mälımdedı, dep habarlaidy “Adyrna”.
Bırneşe kün būryn auǧan BAQ-y Mazari-Şarif qalasynda 17 jyl būryn ornatylǧan Älışer Nauai eskertkışınıŋ būzylǧany turaly aqparat taraǧan. Būǧan deiın eskertkıştıŋ bır bölıgı ǧana bülıngen bolsa, endı ol tolyqtai joiylǧan. Tälıpterdıŋ būl äreketı tegı türkı pedagogtar men saiasatkerlerdıŋ aşu-yzasyn tuǧyzdy. Olardyŋ aituynşa, radikaldar özge etnostardyŋ ruhani qūndylyqtary men adamzattyŋ tarihi mūralaryna män bermei, ıs jüzınde eldıŋ mädeni-tarihi bolmysyn «tazartuǧa» köşken.
Būl jaŋalyq Özbekstan Syrtqy ıster ministrlıgınıŋ alaŋdauşylyǧyn tuǧyzyp, olar tälıpterden resmi tüsınıkteme sūraǧan. Auǧan ükımetı eskertkıştı qala bilıgı būzǧanyn, sebebı onyŋ tūrǧan jerı «ūly ǧalymnyŋ atyna laiyq bolmaǧanyn» tüsındırgen. Radikaldy qozǧalys ökılderı demontaj jūmystary Auǧanstannyŋ Mädeniet jäne aqparat ministrlıgımen de, qoǧammen de kelıspei jürgızılgenın mälımdedı.
Sonymen qatar, tälıpter Älışer Nauai esımınıŋ tek Özbekstan üşın ǧana emes, Auǧanstan halqy üşın de maŋyzdy ekenın aityp, körşı elge sendırgen. Osyǧan bailanysty Mazari-Şarifte aqyn ärı oişylǧa arnalǧan jaŋa eskertkış salynatyny jäne memorialdyq keşen ornatylatyn aumaqqa onyŋ esımı berıletını habarlandy.
21 tamyzda Nova24.uz aqparat agenttıgı auǧan BAQ-taryna sılteme jasap, Mazari-Şarifte Älışer Nauaige arnalǧan jaŋa eskertkıştıŋ qūrylysyn bastau räsımı ötkenın habarlady. Şaraǧa jergılıktı äkımdık ökılderı men Özbekstannyŋ bas konsuldyǧynyŋ qyzmetkerlerı qatysqan. Aita ketsek, bolaşaq eskertkıştıŋ alǧaşqy ırgetasyn qalau räsımınen keiın jinalǧandar ūjymdyq dūǧa oqyǧan.
