Qaraǵandy oblystyq ekologııa departamentiniń qyzmetkeri 10 mıllıon teńge para alý ústinde qolǵa tústi, dep habarlaıdy "Adyrna" ulttyq portaly.
Óndiris oryndaryna tekserý júrgizgen ekolog oblystaǵy bir JShS-dan kemshilik tapqan, dep jazady Qaraǵandy oblystyq sotynyń baspasóz qyzmeti. Para bergisi kelmegen mekeme basshysy quqyq qorǵaý qyzmetine shaǵym túsiredi.
Atalmysh JShS-nyń tehnıkalyq dırektory men ekolog ózara kelisip, mekeme basshysynan alǵan aqshany ekeýi bólip almaqshy bolǵan. Alaıda qylmyskerler para alý ústinde tutqyndaldy. Biraq tehnıkalyq dırektor qaıtys bolǵandyqtan, qylmystyq is tek ekologqa qatysty qozǵaldy.
Aıta keteıik, qylmystyq is "Para alý" babynan "Alaıaqtyq jasaýǵa talpyný" babyna ózgertilip, paraqor ekologqa QR QK 24-190 baby 3-bólimi boıynsha aıyptalýda.
"Adyrna" ulttyq portaly
