Qaraǧandy oblysynda sot mäiıttı eksgumasiialauǧa deiın jetken jerleu ornyna qatysty otbasylyq daudy qarady, dep habarlaidy «Adyrna» tılşısı.
Talap qoiuşynyŋ aituynşa, anasy 2024 jylǧy qaraşa aiynda qaitys bolǧannan keiın ony «Qūrylys» ziratyna jerlegen. Keiınnen boljamdy jerleu ornyna ırgetas, qorşau jäne basqa qaitys bolǧan adamnyŋ derekterı jazylǧan qūlpytas ornatylǧany anyqtalǧan. Talap qoiuşynyŋ mälımdeuınşe, atalǧan qūrylystardy jauapker ornatqan jäne olardy öz erkımen būzudan bas tartqan.
Osyǧan bailanysty talap qoiuşy sottan jauapkerdı qorşau men qūlpytas taqtasyn būzuǧa mındetteudı, sondai-aq sot şyǧyndaryn öndırıp berudı sūraǧan.
Jauapker talap aryzdy moiyndamai, dauly jerleu orny özınıŋ äpkesıne tiesılı ekenın körsetken.
Sot-saraptamalyq molekulalyq-genetikalyq zertteu boiynşa sarapşynyŋ qorytyndysyna säikes, jauapker men süiek ülgısı zertteuge ūsynylǧan jerlengen äieldıŋ arasynda biologiialyq tuystyq bary rastalǧan. Alynǧan genetikalyq derekter negızınde atalǧan äieldıŋ talap qoiuşymen biologiialyq tuystyǧy joq ekendıgı anyqtalǧan.
Taraptar ūsynǧan däleldemelerdı zerttei otyryp, sot talap aryzdy qanaǧattandyruǧa negız joq degen qorytyndyǧa keldı. Qazaqstan Respublikasy Azamattyq prosestık kodeksınıŋ 72-baby talaptaryn būza otyryp, talapker öz anasynyŋ däl osy dauly zirat uchaskesıne jerlengenın naqty rastaityn jaramdy ärı senımdı däleldemelerdı ūsynbaǧan.
«Osyǧan bailanysty sot şeşımımen talap aryzdy qanaǧattandyrudan bas tartyldy. Sonymen qatar ıstı qarau barysynda sot Būqar-Jyrau audany Üştöbe auyldyq okrugı äkımınıŋ apparaty qyzmetınde jerleu qaǧidalarynyŋ saqtaluyn jäne jerleu oryndaryn kütıp-ūstaudy ūiymdastyrudy baqylaudyŋ tiısınşe jürgızılmegenı türındegı zaŋ būzuşylyqtardy anyqtady. Osyǧan bailanysty sot anyqtalǧan zaŋ būzuşylyqtardy joiu jäne olardyŋ aldaǧy uaqytta qaitalanuyna jol bermeu jönınde şaralar qabyldau üşın uäkılettı organnyŋ atyna jeke ūiǧarym şyǧardy»,– delıngen habarlamada.
Apelliasiialyq sot alqasy bırınşı satydaǧy sottyŋ şeşımın özgerıssız qaldyryp, talap qoiuşynyŋ şaǧymyn qanaǧattandyrusyz qaldyrdy.
