Siz týraly shyndyq: Qaı esikti tańdaısyz?

5538
Adyrna.kz Telegram

Ózińiz týraly bar shyndyqty bilgińiz kele me? Eger bilgińiz kelse, ishki jan-dúnıeńizdiń esigin qaǵyp, júrek túkpirinde jatqan qalaýyńyz ben shynaıy bet-beıneńizdi anyqtap kórińiz. Aldymen siz qaı esikti tańdar edińiz?

Kóp oılanbastan kózińizge birden túsken, jáne ózińizge unaǵan sýrettegi esikterdiń birin tańdańyz.

1. Bılikke umtylǵysh bolyp keledi. Oǵan kúsh-qaıraty da, oıy da jetedi. Mansapqa jetý jolynda ózgeniń aıtqan saqtyǵyn da eskermeıdi. Shyǵarmashylyq oılaý qabileti óte joǵary. Kez kelgen jaǵdaıdan shyǵýdyń jolyn tabady. Barǵa maqtanbaıdy, joqqa moıymaıdy. Keıde «birinshi» bolý úshin ózgeni qurbandyqqa shalyp jiberedi.

2. Minezindegi erekshelik – yntymaqtastyq. Olar jaqsy jar, syılas áriptes, syrlas dos bolýǵa ıkemdi. Ekinshi jaqtyń pikirimen eseptesip otyrady. Bul quldyq psıhologııa emes, biraq keıde ony túsinbegender ony ózine táýeldi etkileri keledi. Ózgeniń tapsyrmasyn óte yjdaǵatty oryndaıdy, osy mineziniń arqasynda ózine oryntaq jasaıdy.

3. Dostary kóp, kóńildiliktiń bıliginde kóp terbelip júredi. Olar «ortanyń tuzdyǵy», olardyń tóńireginde adamdar kóp júredi. Tabıǵatynan tartymdy, súıkimdi, ózderi de osy jaqsy qasıetteriniń arqasynda jaqsy kórinetindikterin bilip, sol arqyly kóringileri keledi. Olar jan-jaqty, kóp nárseni isteı alady, biraq eń negizgisin tańdaı almaıdy.

4. Eńbekqor, myqty adamdar. Qoǵamdyq qarym-qatynastardyń barlyǵynyń negizin qalaýshy. Maqsatqa jetýdiń qysqa jolyn tańdamaıdy. Jany tártiptilikti qalaıdy. Kez kelgen máseleni sońyna deıin sheshýdi jaqsy kóredi. Tártipsizdik pen beı-bereketsizdikke jany qas. Isker, tapsyrmany aqyl men qısynǵa salyp ońaı oryndaıdy, sırek qatelesedi. Óte adal, senimdi, aınalasyndaǵylardan da sony talap etedi. Ádiletsizdikke jany tózbeıdi.

5. Minezine – ózgerip turý tán. Kóp saıahattaǵandy unatady. Qyzyǵýshylyǵyn, ómirge kózqarasyn jıi-jıi ózgertip, izdený ústinde bolady. Turaqsyzdyǵy da bar. Ómirdiń barlyq qyzyǵyn kórip qalǵysy keledi. Qarýy – sóz. Sózge qatysy bar barlyq salada ózin synap kóredi. Oıy júırik, ázilge sheber. Biraq keıde osy qabiletin ózgelerdi tuqyrtý úshin paıdalanady. Jumys ornynda da kóp otyrmaıdy.

6. Bilimdi, adamgershiligi mol, úıge syıymdy jan. Qaıda júrse de tynyshtyq pen úılesimdilikti saqtap otyrady. Ony ómir súrýdiń ólshemi dep uǵady. Mahabbatqa erekshe qurmetpen qaraıdy. Óz otbasyna qarym-qatynasyn osy negizde qurady. Jaqyndarynyń ómirin de jaıly etýge tyrysady. Onyń kóp jaýapkershiligin óz moınyna alady.

7. Oılaýǵa beıimdi. Kez kelgen nárseni usaq-túıegine deıin oı eleginen ótkizedi, sondyqtan ol syrt adamǵa sylbyr, túsiniksiz kórinedi. Óz sezimin syrtqa shyǵarmaıdy. Óner «tilin» jaqsy túsinedi. Adam qabileti jetpeıtin nárselerdiń jaýabyn jıi izdeıdi. Fılosofııamen aınalysady.

8. Aqshaǵa baılanysty isteri órkendeıdi. Dańq pen baılyqqa jaqyn júredi. Materıaldyq jaǵdaıy ústem bolady. Adamdardyń jan dúnıesin túsinedi, olarǵa qınalǵan kúnderi qol ushyn berýge daıar turady.

9. Metafızıka men fılosofııanyń sany. Sananyń joǵary deńgeıindegi adam. Kemeńger. Saıahattaǵandy unatady. Minezin ózgerister qalyptastyrady. Barlyq ult pen ulystardyń ádet-ǵurpyn bilýge qulshynady. El bıleýshige tán tabandylyq pen tózimdilikti ıgergen.

10. Kúsh-qýattyń qoımasy ispettes. Aqyldy, kúshti, shyǵarmashylyq qabileti joǵary. Jolyndaǵy kedergilerdi ońaı jeńedi. Jeńilistiń ózin jeńiske aınaldyrady. Ony iskerlik qabileti men basshylyq paıymy úshin unatady. Bıligin bilek kúshimen sheshýge tyrysatyn kezderi de az emes. Ony syrt kózden jasyrýǵa tyrysqanymen, baıqalyp turady.

"Adyrna" ulttyq portaly

Pikirler