Özıŋız turaly bar şyndyqty bılgıŋız kele me? Eger bılgıŋız kelse, ışkı jan-dünieŋızdıŋ esıgın qaǧyp, jürek tükpırınde jatqan qalauyŋyz ben şynaiy bet-beineŋızdı anyqtap körıŋız. Aldymen sız qai esıktı taŋdar edıŋız?
Köp oilanbastan közıŋızge bırden tüsken, jäne özıŋızge ūnaǧan surettegı esıkterdıŋ bırın taŋdaŋyz.
1. Bilıkke ūmtylǧyş bolyp keledı. Oǧan küş-qairaty da, oiy da jetedı. Mansapqa jetu jolynda özgenıŋ aitqan saqtyǧyn da eskermeidı. Şyǧarmaşylyq oilau qabıletı öte joǧary. Kez kelgen jaǧdaidan şyǧudyŋ jolyn tabady. Barǧa maqtanbaidy, joqqa moiymaidy. Keide «bırınşı» bolu üşın özgenı qūrbandyqqa şalyp jıberedı.
2. Mınezındegı erekşelık – yntymaqtastyq. Olar jaqsy jar, syilas ärıptes, syrlas dos boluǧa ikemdı. Ekınşı jaqtyŋ pıkırımen eseptesıp otyrady. Būl qūldyq psihologiia emes, bıraq keide ony tüsınbegender ony özıne täueldı etkılerı keledı. Özgenıŋ tapsyrmasyn öte yjdaǧatty oryndaidy, osy mınezınıŋ arqasynda özıne oryntaq jasaidy.
3. Dostary köp, köŋıldılıktıŋ bilıgınde köp terbelıp jüredı. Olar «ortanyŋ tūzdyǧy», olardyŋ töŋıregınde adamdar köp jüredı. Tabiǧatynan tartymdy, süikımdı, özderı de osy jaqsy qasietterınıŋ arqasynda jaqsy körınetındıkterın bılıp, sol arqyly körıngılerı keledı. Olar jan-jaqty, köp närsenı ıstei alady, bıraq eŋ negızgısın taŋdai almaidy.
4. Eŋbekqor, myqty adamdar. Qoǧamdyq qarym-qatynastardyŋ barlyǧynyŋ negızın qalauşy. Maqsatqa jetudıŋ qysqa jolyn taŋdamaidy. Jany tärtıptılıktı qalaidy. Kez kelgen mäselenı soŋyna deiın şeşudı jaqsy köredı. Tärtıpsızdık pen bei-bereketsızdıkke jany qas. Isker, tapsyrmany aqyl men qisynǧa salyp oŋai oryndaidy, sirek qatelesedı. Öte adal, senımdı, ainalasyndaǧylardan da sony talap etedı. Ädıletsızdıkke jany tözbeidı.
5. Mınezıne – özgerıp tūru tän. Köp saiahattaǧandy ūnatady. Qyzyǧuşylyǧyn, ömırge közqarasyn jiı-jiı özgertıp, ızdenu üstınde bolady. Tūraqsyzdyǧy da bar. Ömırdıŋ barlyq qyzyǧyn körıp qalǧysy keledı. Qaruy – söz. Sözge qatysy bar barlyq salada özın synap köredı. Oiy jüirık, äzılge şeber. Bıraq keide osy qabıletın özgelerdı tūqyrtu üşın paidalanady. Jūmys ornynda da köp otyrmaidy.
6. Bılımdı, adamgerşılıgı mol, üige syiymdy jan. Qaida jürse de tynyştyq pen üilesımdılıktı saqtap otyrady. Ony ömır sürudıŋ ölşemı dep ūǧady. Mahabbatqa erekşe qūrmetpen qaraidy. Öz otbasyna qarym-qatynasyn osy negızde qūrady. Jaqyndarynyŋ ömırın de jaily etuge tyrysady. Onyŋ köp jauapkerşılıgın öz moinyna alady.
7. Oilauǧa beiımdı. Kez kelgen närsenı ūsaq-tüiegıne deiın oi elegınen ötkızedı, sondyqtan ol syrt adamǧa sylbyr, tüsınıksız körınedı. Öz sezımın syrtqa şyǧarmaidy. Öner «tılın» jaqsy tüsınedı. Adam qabıletı jetpeitın närselerdıŋ jauabyn jiı ızdeidı. Filosofiiamen ainalysady.
8. Aqşaǧa bailanysty ısterı örkendeidı. Daŋq pen bailyqqa jaqyn jüredı. Materialdyq jaǧdaiy üstem bolady. Adamdardyŋ jan düniesın tüsınedı, olarǧa qinalǧan künderı qol ūşyn beruge daiar tūrady.
9. Metafizika men filosofiianyŋ sany. Sananyŋ joǧary deŋgeiındegı adam. Kemeŋger. Saiahattaǧandy ūnatady. Mınezın özgerıster qalyptastyrady. Barlyq ūlt pen ūlystardyŋ ädet-ǧūrpyn bıluge qūlşynady. El bileuşıge tän tabandylyq pen tözımdılıktı igergen.
10. Küş-quattyŋ qoimasy ıspettes. Aqyldy, küştı, şyǧarmaşylyq qabıletı joǧary. Jolyndaǧy kedergılerdı oŋai jeŋedı. Jeŋılıstıŋ özın jeŋıske ainaldyrady. Ony ıskerlık qabıletı men basşylyq paiymy üşın ūnatady. Bilıgın bılek küşımen şeşuge tyrysatyn kezderı de az emes. Ony syrt közden jasyruǧa tyrysqanymen, baiqalyp tūrady.
"Adyrna" ūlttyq portaly
Ūqsas jaŋalyqtar
