Jambyl oblysynda qaza tapqan sarbazdyń denesinen tabylǵan ózge adamdardyń bıomaterıaldary [sháýet daqtary] týraly baıandaǵan quqyq qorǵaýshynyń ómirine “aıtyp aýyz jıǵansha” qaýip tóndi. Ishki ister mınıstrligi oǵan «etıkany buzdy» dep aıyp taǵyp, qupııa tergeýge almaqshy, dep habarlaıdy “Adyrna” ulttyq portaly.
Birneshe kún buryn merzimdi qyzmettegi áskerı qyzmetshini óz-ózine qol jumsaý týraly qylmystyq is boıynsha quqyq qorǵaýshy Pralıevtiń baspasóz máslıhaty ótti. Dál sol jerde quqyq qorǵaýshy maman marqumǵa úsh ret sot-medıınalyq saraptama júrgizilgenin habarlady. Onyń bireýi Tarazda, ekeýi Almatyda ótken. Qaıtys bolǵan sarbazdyń aýyz qýysynda jáne kıiminde ózge er adamdardyń genetıkalyq bıomaterıaldary tabylǵany belgili boldy.
Jalpaq jurttyń selt etkizgen soraqy jańalyqty jarııalaǵan quqyq qorǵaýshynyń basyna qara bult úıirildi. Bul jaıly QR IIM ókilderi málemdedi.
«Pralıev qylmystyq istiń derekterin jarııa etip, shyndyqqa sáıkes kelmeıtin óz tujyrymdarymen tolyqtyrdy. Sonymen qatar, QIJK-niń 201-babyna sáıkes sotqa deıingi tergep-tekserý derekteri jarııa etilmeıdi», - delingen QR IIM habarlamasynda.
Kúni keshe qoǵam belsendisi, qazaqtyń aıaýly qyzy, ult janashyry Kámshat Tasbolat osy jaǵdaıǵa qatysty tómendegideı jazba jarııalaǵan edi.
- Endi qoǵamdy dúr silkindirgen jaǵdaıdy jarııa etken advokatqa qysym jasalyp jatyr eken. Bul jerde advokattyń sózi ras pa, joq pa, ony anyqtaýdyń bir-aq joly bar: sol áskerı bólimde sýııd tirkelgen kezde qyzmet etkenderdiń, áskerı borysh ótegenderdiń bıomaterıaldaryn alyp, zertteý júrgizý. Biraq advokattyń ózi “buǵan ruqsat berilmeı otyrǵanyn” aıtyp jýrnalısterge arqa súıeýge májbúr bolǵan joq pa? Áskerıler neden qorqyp otyr? Shyn Ádiletti Qazaqstan ornaıtyn bolsa, bir kúnde eldiń shashyn aǵartyp, eńsesin túsirgen is boıynsha ádil tergeý júrgizilýi kerek. Qylmystyń óteýi - jaza! Jazalanbasa, qylmys kóbeıedi. Qylmysqa tózýge bolmaıdy. Eks-depýtattar bul iske ún qossa deımiz. Sot ashyq jáne jarııaly ótýi tıis. Azǵyndyqty tyıý kerek, - dedi avtor adam boıyndaǵy eń izgi qasıetter Ar men Uıatty alǵa tartyp.
Degenmen qylmystyq qýdalaý organdary advokatty kásibı etıka normalaryn buzdy dep aıyptaıdy jáne qyzmettik tergeý júrgizýdi suraǵan. Qazirde olardyń ótinishi QR Ádilet mınıstrligine joldandy.
“Adyrna” ulttyq portaly
