Búgin Reseı Federaııasynyń Prezıdenti Vladımır Pýtın Qazaqstan Respýblıkasyna memlekettik saparmen keledi. Sapar aıasynda onyń maqalasy elimizdiń bedeldi basylymy – «Kazahstanskaıa pravda» gazetinde jarııalandy, onda Reseı basshysy eki el arasyndaǵy seriktestik týraly óz oılaryn bólisti, dep habarlaıdy "Adyrna" ulttyq portaly.
Maqalada Vladımır Pýtın Reseı men Qazaqstannyń dostyq, tatý kórshilik jáne ózara kómek dástúrlerine súıengen seriktestigi barlyq salada belsendi damyp kele jatqanyn atap ótti. Ol eki eldiń qarym-qatynasy teńdik, múddeni qurmetteý jáne naqty nátıjege baǵyttalǵan jumystar arqyly nyǵaıǵanyn aıtty.
Onyń aıtýynsha Reseı — Qazaqstannyń iri ekonomıkalyq seriktesteriniń biri.
«Qazaqstan ekonomıkasyna tartylǵan Reseı ınvestıııasy da jyldan-jylǵa ósip jatyr. Búginde onyń kólemi shamamen 13 mıllıard dollarǵa jetti. Qazaqstanda reseılik isker toptardyń qatysýymen 23 myńnan astam kásiporyn jumys isteıdi. Eki eldiń kompanııalary ónerkásiptik kooperaııa men joǵary tehnologııalar salasynda birqatar birlesken iri jobalardy iske asyryp otyr. Sonyń arqasynda ekonomıkany keshendi jańǵyrtyp, qos memlekettiń tehnologııalyq egemendigin nyǵaıtýǵa yqpal etetin tolyq ındýstrııalyq ıkldiń jańa óndiristeri jolǵa qoıylyp jatyr», — deıdi RF Prezıdenti.
Sondaı-aq, Reseı men Qazaqstan arasynda gýmanıtarlyq baılanystar ádettegideı mańyzdy oryn alatynyn da atap ótti. Eki tarap ta mádenıet, sport, qoǵamdyq jáne jastar arasynda jáne bilim berý salasynda yntymaqtastyqty keńeıtý úshin kóptegen jumys atqarýda. Reseıdiń joǵary oqý oryndarynda shamamen 60 myń qazaqstandyq stýdent oqyp júr.
Qazaqstanda Lomonosov atyndaǵy MMÝ sekildi jetekshi reseılik ýnıversıtetterdiń fılıaldary tabysty jumys istep tur. Jaqynda Astanada Reseı Syrtqy ister mınıstrliginiń Máskeý memlekettik halyqaralyq qatynastar ınstıtýtynyń (MGIMO) fılıaly da ashylmaq, onyń túlekteri arasynda tanymal qazaqstandyqtar, sonyń ishinde Qasym-Jomart Kemeluly Toqaev ta bar. Reseı Qazaqstanda jańa orystildi mektepter salýdy jáne mekteptegi orys tilinde bilim berý sapasyn arttyrýdy qoldaıdy. Jýyrda Qyzylorda, Taraz jáne Túrkistan qalalarynda taǵy osyndaı úsh mekteptiń ashylýy kútilýde. Árıne, biz Qazaqstan Respýblıkasynyń basshylyǵyna, ásirese Qasym-Jomart Kemelulyna orys tiline erekshe qaraǵany úshin, ony memleketaralyq jáne ultaralyq qatynas quraly retinde ilgeriletýge baǵyttalǵan Halyqaralyq orys tili uıymyn qurý týraly mańyzdy bastamasy úshin alǵys bildiremiz», — dedi Pýtın.
Reseı Prezıdenti kelesi jyly qos memleket Ekinshi dúnıejúzilik soǵystaǵy Jeńistiń 80 jyldyǵyn atap ótetinin tilge tıek etti. Osy rette Vladımır Pýtın Qasym-Jomart Toqaevty 9 mamyrda Máskeýde ótetin aýqymdy is-sharaǵa shaqyrdy.
Qazaqstan men Reseı aımaqtyq jáne jahandyq máselelerde birlesip áreket etedi. Eki el TMD jáne ShYU aıasynda belsendi yntymaqtastyq jasap, halyqaralyq qaýipsizdik pen turaqtylyqty qamtamasyz etýde uqsas ustanymdardy ustanatynyn da alǵa tartty.
Reseı basshysy Qazaqstan Prezıdenti Qasym-Jomart Toqaevpen árdaıym tyǵyz baılanysta jumys istep, jańa bastamalardy talqylaıtynyn jáne eki el arasyndaǵy strategııalyq seriktestikti odan ári damytýǵa daıyn ekenin jetkizdi.
