Shymkent qalasynyń ákimi Murat Áıtenov ortalyq memlekettik organdarǵa qaraıtyn aýmaqtyq departamentterdiń jumysymen tanysý jáne saladaǵy ózekti máselelerdi talqylaý jıyndaryn ótkizdi. QR Densaýlyq saqtaý mınıstrligi Shymkent qalasynyń sanıtarııalyq-epıdemıologııalyq baqylaý departamentiniń jumystary týraly mekeme basshysy Ábdimanap Týlebaev baıandady.
Departament basshysy birinshi jartyjyldyqta qala turǵyndary arasynda asa qaýipti ınfekııa túrleri boıynsha qolaısyz ahýal tirkelmegenin aıtty. Byltyrǵy jyldyń osy kezeńimen salystyrǵanda qyzylsha 873 jaǵdaıǵa, menıngokokty ınfekııa 6 jaǵdaıǵa, botýlızm 7 jaǵdaıǵa, jiti vırýsty gepatıtter 3,5 esege, sonyń ishinde vırýsty A gepatıti 18,4 esege, tumaý 25 jaǵdaıǵa, qyshyma 34,7%-ǵa, enterobıoz 20,5%-ǵa tómendegenin málimdedi. Perzenthanalarda jańa týǵan nárestelerdi V vırýsty gepatıtine qarsy vakınaııamen qamtý 95,7 paıyzǵa oryndalsa, týberkýlezge qarsy vakınamen qamtý kórsetkishi 95,6% oryndalǵan. Esepti merzimde sanıtarlyq-epıdemıologııalyq talaptardyń saqtalýyn qadaǵalaý boıynsha 187 nysanda tekserýler júrgizilip, 149 uıǵarym berilgen. Qala boıynsha áreket etetin mobıldik (monıtorıngtik) toptardan 228 jedel habarlama kelip túsken. Olardyń negizinde júrgizilgen tekserýler boıynsha 208 nysanǵa 15 mln 575 myń teńge kóleminde aıyppul salynǵan.«Ashyq» jobasy sheńberinde 254 habarlama kelgen bolsa, onyń 46-sy basqa óńirlerdiń turǵyndary bolýyna baılanysty osy azamattardyń turǵylyqty jeri boıynsha sanıtarııalyq-profılaktıkalyq is-sharalar atqarý jóninde tıisti organdarǵa habarlama berilgen.
Úı karantındik rejımin saqtaý máselesinde 38 habarlama túsip, onyń 11-i - «qyzyl» mártebesi berilgen azamattar bolsa, 27-si – «sary» mártebesi bar azamattar ekendigi anyqtalǵan. Karantındik rejımdi saqtamaǵany úshin osy sanattaǵy taǵy 7 azamat ákimshilik jaýapkershilikke tartylyp, aıyppuldar salynǵan. Qala ákimi búgingideı kúrdeli kezeńde medıınalyq uıymdar men sanıtarııalyq-epıdemıologııalyq baqylaý qyzmetine túsip otyrǵan júk aýyr ekendigin atap ótti. Búgingi kúnniń ózinde koronavırýs indetin juqtyrý deregi boıynsha táýliktik kórsetkish 575 jaǵdaıǵa tirkelip otyrǵandyǵyna alańdaýshylyq bildirdi. Derttiń balalar arasynda jappaı taralýyna jol bermes úshin barlyq qajetti sharalardy atqarý kerektigine toqtaldy. Indet juqtyrýdyń táýliktik kórsetkishinde qalaǵa ýaqytsha kelgen, basqa aımaqtardyń turǵyndary kóptep kezdesip jatqandyǵyn alǵa tartyp, aýrýdyń taralýyn meılinshe tómendetýde adamdar arasyndaǵy barys-kelisti azaıtý baǵytynda pármendi jumystar atqarý kerektigine toqtaldy. Bul baǵytta qonaq úıler men otelder qyzmetin erekshe baqylaýda ustap, vahtalyq ádispen qyzmet atqaratyn kásiporyndar jumysshylarynyń toptasyp qonystanýlaryna jol bermeý kerektigine nazar aýdardy. Karantın talaptarynyń saqtalýyn qamtamasyz etýde nátıjeli jumystar júrgizý barysynda kásipkerlik nysandarynyń qyzmetin shekteý emes ekenin uǵyndyryp, osy baǵyttaǵy memlekettik organdardyń basty talaby – azamattar toptasýyna jol bermeý, derttiń jappaı taralýyna jaǵdaı jasamaý ustanymy bolýy tıis dedi.
Qalalyq densaýlyq saqtaý basqarmasyna halyq densaýlyǵyn saqtaýdaǵy jumystardy josparly túrde, joǵary uıymdastyrýshylyq tártipte júrgizýdi tapsyryp, ekpe jumystarynyń barlyǵyn merzimderinde atqarýdy júktedi. Bul baǵytta medıına qyzmetkerleriniń bir bóligi josparly jumystarymen aınalyssa, ekinshi bóligi – koronavırýs indetiniń taralýymen kúres júrgizý kerektigine kóńil bóldi. Sanıtarııalyq-epıdemıologııalyq qyzmet pen medıınalyq uıymdar halyq arasyndaǵy túsindirý jumystarynda belgili bir júıeli tártipti ustanýy kerektigin nazarǵa aldy. Turǵyndardyń óz densaýlyǵyn qorǵaýda bilimi jetkiliksiz bolǵandyqtan, dárihanalar janyndaǵy ekpe egý bólmelerine kóptep júginip jatqandyǵyn alǵa tartty. Jıynda dárihana mamandary tarapynan covid indeti boıynsha em júrgizý protokolyna saı kelmeıtin dáriler taǵaıyndaý jaǵdaılary oryn alyp jatqandyǵy aıtylyp, turǵyndar arasynda aýrýdy asqyndyryp almaý jóninde saýatty túsindirý jumystaryn belsendi túrde júrgizý kerektigi aıtyldy. Qala basshysy bul baǵyttaǵy aqparattyq jumystardyń baǵyty mynadaı máselelerdi qamtýy tıis dedi: Dert juqtyrǵan adam aldymen ne isteýi kerek ekenin, onyń ári qaraıǵy ár qadamyn túsindirip aıtatyn jumystar júrgizýdi tapsyrdy. Epıdemıologııa mamandary indet taralýyna qandaı jaǵdaılar sebepshi bolatynyn aıtyp otyrsa, medıına mamandary algorıtm boıynsha emge júginýdiń joldaryn túsindirýi kerek dedi. Aqparattyq jumystardyń barlyǵy halyqqa uǵynyqty ári tez qabyldaýǵa beıim bolýy kerektigin atap ótti.
