Qazaqstandyq qoǵamnyń ázirshe dinı teris aǵymdarǵa qarsy ımmýnıteti álsiz. Memleket basshysy Nursultan Nazarbaev «Táýelsizdik jáne dáýir» atty kitabynda osyndaı pikir bildirdi. Tarıhı pýblııstıka janrynda jazylǵan kitaptan alynǵan úzindi Nazarbaevtyń resmı saıtynda jarııalanǵan.
«Bizdiń ómirimiz úshin dástúrli emes dinı jáne din atyn jamylǵan aǵymdarǵa jastardyń soqyr erip ketýine kóz jumyp qaraı almaımyz. Sebep – bizdiń qoǵamnyń dinı teris aǵymǵa qarsy ımmýnıtetiniń álsizdiginde. Adamnyń ishki súzgisi mynadaı suraq qoıýy kerek: bizdiń analarymyz, ápkelerimiz, qyzdarymyz ózge halyqtyń kıim úlgilerin kııýi qajet pe? Bizben bir dastarqanda as ishpeýi kerek pe? Avtokólik júrgizbeýi kerek pe? Munyń bári ózge halyqtardyń dástúri. Biraq, bul dástúrler bizdiń dalada bolǵan emes. Bizge zııan tıgizetin dinı aǵymdar bar. Biz ondaı aǵymdardan barynsha aýlaq bolýymyz kerek jáne shynaıy rýhanııatty nasıhattaıtyn dindi alý kerek. Qurandaǵy qasıetti ósıetterdi oryndaý úshin din damýy men órkendeýi muqtajdarǵa kómektesý, baýyrmaldyq, úlkenge qurmet, balalarǵa tárbıe berý, Otandy jáne halyqty qorǵaý, birlikke shaqyrý isterimen atqarylýy tıis» delingen Prezıdent kitabynda.
Daıyndaǵan: Madııar MEŃDIBAI,
"Adyrna" ulttyq portaly
